ശ്രീനഗര്: യുവ മലയാളി ചലച്ചിത്ര സംവിധായകന് സാജന് കുര്യന് (33) ഷൂട്ടിങ്ങിനിടെ മരിച്ചു. ലഡാക്കില് അതിശൈത്യത്തെ തുര്ന്നായിരുന്നു അന്ത്യം. സാജന് സമായ എന്നാണ് ചലച്ചിത്രരംഗത്ത് അറിയപ്പെടുന്നത്. ഷൈന്ടോമിനെ നായകനാക്കി ബൈബിളിയോ എന്ന സിനിമയുടെ ചിത്രീകരണത്തിനിടെയായിരുന്നു അന്ത്യം.
സാജന്റെ സ്വന്തം നോവലായ ബൈബിളിയോയുടെ ചലച്ചിത്രാവിഷ്കാരമാണിത്. അതിശൈത്യം മൂലം തളര്ന്നുവീണ സാജനെ ഉടനെ ആശുപത്രിയില് എത്തിച്ചെങ്കിലും രക്ഷിക്കാനായില്ല. സിനിമയുടെ ചിത്രീകരണം ഏതാണ്ട് അവസാനഘട്ടത്തിലായിരുന്നു.തൃശൂര് സ്വദേശിയായ സാജന് നേരത്തെ ഏതാനും ചിത്രങ്ങള് സംവിധാനം ചെയ്തിട്ടുണ്ടെങ്കിലും ഒന്നും പുറത്തിറങ്ങിയിട്ടില്ല.