കൊച്ചി : മുഖ്യമന്ത്രി ഉമ്മന്‍ചാണ്ടിയ്ക്കും യു.ഡി.എഫ് നേതാക്കള്‍ക്കും എതിരെ നല്‍കിയ മൊഴിയുടെ തെളിവുകള്‍ ഈ മാസം പത്തിന് ഹാജരാക്കണമെന്ന് ബിജു രാധാകൃഷ്ണനോട് സോളാര്‍ കമ്മിഷന്‍ ആവശ്യപ്പെട്ടു. മറ്റന്നാള്‍ ജയിലില്‍ അഭിഭാഷകനുമായി കൂടിക്കാഴ്ച നടത്താനും ബിജുവിന് കമ്മിഷന്‍ അനുമതി നല്‍കി.
മുഖ്യമന്ത്രിയുടെ അഭിഭാഷകനെയും സോളാര്‍ കമ്മിഷന്‍ രൂക്ഷമായി ശകാരിച്ചു.
ബിജു രാധാകൃഷ്ണനെ സമ്മര്‍ദത്തിലാക്കാന്‍ സര്‍ക്കാരിനെ അനുവദിക്കില്ലെന്നും ബിജുവിനെ ഭയപ്പെടുത്താന്‍ ശ്രമിക്കരുതെന്നും കമ്മിഷന്‍ വിമര്‍ശിച്ചു. ബിജുവിന്റെ കൈവശമുള്ള തെളിവുകള്‍ പിടിച്ചെടുക്കാന്‍ അനുവദിക്കില്ലെന്നും സോളാര്‍ കമ്മിഷന്‍ വ്യക്തമാക്കി.
ഇതിനിടെ, മുഖ്യമന്ത്രി ഉമ്മന്‍ചാണ്ടിയ്ക്ക് എതിരായ ആരോപണത്തില്‍ ഉറച്ചു നില്‍ക്കുന്നതായി ബിജു രാധാകൃഷ്ന്‍ ഇന്നും വ്യക്തമാക്കി. മുഖ്യമന്ത്രിയുമായി എറണാകുളം ഗസ്റ്റ് ഹൗസിലായിരുന്നു കൂടിക്കാഴ്ച നടത്തിയതെന്നും കൂടിക്കാഴ്ചയ്ക്ക് അവസരം ഉണ്ടാക്കിയത് എം.ഐ ഷാനവാസല്ലെന്നും ബിജു രാധാകൃഷ്ണന്‍ ഇന്ന് മൊഴി നല്‍കി.
