ചെന്നൈയിലെ ജനങ്ങള്‍ക്ക് സഹായവുമായി പ്രധാനമന്ത്രിയുടെ ദുരിതാശ്വാസ നിധിയിലേക്ക് ഒരു ലക്ഷം രൂപ നല്‍കി മഞ്ജുവാര്യര്‍
കനത്തമഴയിലും വെള്ളപ്പൊക്കത്തിലും ദുരിതം അനുഭവിക്കുന്ന ചെന്നൈയിലെ ജനങ്ങള്‍ക്ക് സഹായവുമായി നടി മഞ്ജുവാര്യര്‍. ജനങ്ങളെ സഹായിക്കുന്നതിനായി പ്രധാനമന്ത്രിയുടെ ദുരിതാശ്വാസ നിധിയിലേയക്കാണ് ഒരു ലക്ഷം രൂപ മഞ്ജുവാര്യര്‍ സമ്മാനിച്ചത്. കേരളത്തില്‍ നിന്ന് ആദ്യമായി ധനസഹായം നല്‍കുന്നത് മഞ്ജുവാണ്. ഈ തുക നടികര്‍ സംഘത്തിന്റെ നേതാവായ നടന്‍ വിശാലിന് കൈമാറി. നേരത്തെ ചെന്നൈയില്‍ ദുരിതം അനുഭവിക്കുന്ന ജനങ്ങള്‍ക്ക് താമസിക്കാനുള്ള ഇടമൊരുക്കി മമ്മൂട്ടിയും എത്തിയിരുന്നു. സുഹൃത്തുക്കളുടെ ഫ്‌ളാറ്റുകളിലും വീടുകളിലുമാണ് സൗകര്യം ഒരുക്കിയത്. -എജെ-