മൈഗ്രെയിന് തടയുന്നതിന് ഫലപ്രദമായ മരുന്നിന് യൂറോപ്പില് അനുമതി. ആദ്യമായാണ് മൈഗ്രെയിന് തടയാന് കഴിയുന്ന മരുന്ന് വിപണിയിലെത്തുന്നത്. എറെനുമാബ് എന്ന ഈ മരുന്ന് മാസത്തില് ഒരിക്കലാണ് കുത്തിവെയ്ക്കേണ്ടത്. മാസത്തില് നാല് തവണയെങ്കിലും മൈഗ്രെയിന് ഉണ്ടാകുന്നവര്ക്ക് ഈ മരുന്ന് നല്കാനുള്ള അനുമതിയാണ് യൂറോപ്യന് മെഡിസിന്സ് ഏജന്സി നല്കിയിരിക്കുന്നത്.
സെപ്റ്റംബര് മുതല് രോഗികള്ക്ക് ഇത് സ്വന്തമായി വാങ്ങാന് കഴിയുമെന്ന് നിര്മാതാക്കളായ നൊവാര്ട്ടിസ് അറിയിച്ചു. ഈ പുതിയ മരുന്നിന് കടുത്ത മൈഗ്രെയിന് രോഗികള്ക്ക് ആശ്വാസം നല്കാന് കഴിയുമെന്നത് അതിശയകരമാണെന്ന് ദി മൈഗ്രെയിന് ട്രസ്റ്റ് ചീഫ് എക്സിക്യൂട്ടീവ് വെന്ഡി തോമസ് പറഞ്ഞു. മൈഗ്രെയിന് ഒരു വിഷമം പിടിച്ച അവസ്ഥയാണ്. ഛര്ദ്ദിയും കാഴ്ച പ്രശ്നങ്ങളുമെല്ലാം ഇതിനോട് അനുബന്ധിച്ച് ഉണ്ടാകാം. ഒട്ടേറെപ്പേരില് കാണപ്പെടുന്ന ഈ രോഗത്തിന്റെ കാരണങ്ങള് ഇപ്പോഴും ശാസ്ത്രലോകത്തിന് അജ്ഞാതമാണ്.
അയര്ലണ്ടില് ലക്ഷക്കണക്കിന് ആളുകള് കടുത്ത മൈഗ്രെയിന് രോഗികളാണ്. മൈഗ്രെയിന് അറ്റാക്കുകളില് ശരീരത്തില് വര്ദ്ധിക്കുന്ന കാല്സിറ്റോനിന് ജീന് റിലേറ്റഡ് പെപ്റ്റൈഡ് എന്ന സിജിആര്പിയുടെ പ്രവര്ത്തനം തടയുകയാണ് പുതിയ മരുന്ന് ചെയ്യുന്നത്. എയ്മോവിഗ് എന്ന പേരിലും അറിയപ്പെടുന്ന ഈ മരുന്ന് മൈഗ്രെയിന് എന്ന രോഗത്തെ പൂര്ണ്ണമായും ഇല്ലാതാക്കാന് പ്രാപ്തമാണെന്ന് വിദഗ്ദ്ധര് കരുതുന്നു.
ഡികെ