Sunday, January 19, 2020

25 മിനുട്ടോളം ലിഫ്റ്റില്‍ കുടുങ്ങി ഫ്രാന്‍സിസ് മാര്‍പാപ്പ

Updated on 02-09-2019 at 8:51 am

Share this news

വത്തിക്കാന്‍ സിറ്റി : ലിഫ്റ്റ് പണിമുടക്കിയതോടെ 25 ഓളം മിനുട്ട് ലിഫ്റ്റില്‍ കുടുങ്ങി മാര്‍പ്പാപ്പ. പ്രതിവാര പ്രാര്‍ത്ഥനക്കും പ്രഭാഷണത്തിനും മാര്‍പാപ്പ സെന്റ് പീറ്റേഴ്‌സ് സ്‌ക്വയര്‍ മട്ടുപ്പാവില്‍ എത്തുന്നതിനായി തയാറെടുത്തപ്പോഴാണ് വൈദ്യുതി തകരാര്‍ മൂലം ലിഫ്റ്റില്‍ കുടുങ്ങിയത്. തുടര്‍ന്ന് അഗ്നിശമന സേനാംഗങ്ങള്‍ എത്തിയാണ് പാപ്പയെ ലിഫ്റ്റില്‍ നിന്നും പുറത്തെത്തിച്ചത്.

പതിവിലും വൈകി എത്തിയതിന്റെ കാരണം പാപ്പ തന്നെയാണ് വിശദീകരിച്ചത്. പ്രതീക്ഷിച്ച സമയത്ത് എത്താന്‍ കഴിയാത്തതില്‍ വിശ്വാസികളോട് ക്ഷമ ചോദിക്കുകയും ചെയ്തു. ഇതിനിടെ പാപ്പ വൈകി എത്തിയത് ആരോഗ്യപ്രശ്ങ്ങളാല്‍ ആണെന്ന് ചില ഇറ്റാലിയന്‍ മാധ്യമങ്ങള്‍ റിപ്പോര്‍ട്ട് ചെയ്തത് വിവാദമായി. വസ്തുതകളെ ഇത്തരത്തില്‍ വളച്ചൊടിക്കരുതെന്ന് വത്തിക്കാന്‍ ഭരണ കേന്ദ്രങ്ങള്‍ മാധ്യമങ്ങളോട് പറഞ്ഞു.

comments


 

Other news in this section