Wednesday, December 11, 2019
Latest News
‘ഭൂമിയ്ക്ക് വേണ്ടി മുഴങ്ങിക്കേട്ട ഏറ്റവും വലിയ ശബ്ദം’; ടൈം മാഗസിന്റെ ‘പേഴ്സൺ ഓഫ് ദി ഇയർ’ പുരസ്‌കാരം ഗ്രെറ്റതൻബെർഗിന്    പ്രായമായ മാതാപിതാക്കളെ സംരക്ഷിക്കാത്ത മക്കൾക്കും, മരുമക്കൾക്കും പണി വരുന്നു; നിർണ്ണായക ബില്ല് ലോക്‌സഭാ പാസ്സാക്കി    നടി ആക്രമിക്കപ്പെട്ട സംഭവം; ഡിജിറ്റൽ തെളിവുകളുടെ പകർപ്പ് ദിലീപിന് നൽകാനാവില്ലെന്ന് വിചാരണ കോടതി; മൂന്ന് പ്രതികൾക്ക് ജാമ്യവും നിഷേധിച്ചു    വിസ്ഫോടനം നിലയ്ക്കാതെ വൈറ്റ് ഐലൻഡ്; കൂടുതൽ മൃതദേഹങ്ങൾക്കായുള്ള തെരച്ചിൽ ഇനിയും വൈകും    ട്രംപിനെതിരെ കടുത്ത ആരോപണങ്ങളുമായി ഡമോക്രാറ്റുകൾ; ഇംപീച്ച്‌മെൻ്റ് നടപടികൾ അടുത്തയാഴ്‌ച ഉണ്ടാകുമെന്ന് റിപ്പോർട്ട്   

നോട്ടുനിരോധനം അറിയാതെ വാര്‍ധക്യകാല ചികിത്സക്കായി അരലക്ഷത്തോളം പഴയ 500,1000 രൂപ നോട്ടുകള്‍ സൂക്ഷിച്ചുവെച്ച് വൃദ്ധസഹോദരങ്ങള്‍…

Updated on 30-11-2019 at 5:14 pm

കോയമ്പത്തൂര്‍: രാജ്യത്തിന്റെ സമ്പദ് ഘടനയെ വരെ ബാധിച്ച, 2016 നവംബറില്‍ ഉയര്‍ന്നമൂല്യമുള്ള നോട്ടുകള്‍ നിരോധിച്ച കേന്ദ്രസര്‍ക്കാരിന്റെ നടപടി ഇപ്പോഴും അറിയാത്ത ഇന്ത്യക്കാരുണ്ട്. ഇതിന് തെളിവാണ് തങ്ങളുടെ സംസ്‌കാരചടങ്ങുകള്‍ക്കും ചികില്‍സയ്ക്കുമായി അരലക്ഷത്തോളം രൂപയുടെ പഴയനോട്ടുകള്‍ സൂക്ഷിച്ചുവച്ച തമിഴ്നാട്ടിലെ വൃദ്ധ സഹോദരങ്ങളുടെ അനുഭവം

തിരുപൂര്‍ ജില്ലയിലെ പുമലൂരില്‍ താമസക്കാരായ തങ്കമ്മാള്‍ (78), സഹോദരി രംഗമ്മാള്‍ (75) എന്നിവരാണ് തങ്ങളുടെ സംസ്‌കാരചടങ്ങുകള്‍ക്കും വാര്‍ധക്യകാലത്തെ ചികില്‍സയ്ക്കുമായി 46,000ലധികം രൂപ സൂക്ഷിച്ചുവച്ചത്. മുഴുവനും നിരോധിക്കപ്പെട്ട ആയിരത്തിന്റെയും അഞ്ഞൂറിന്റെയും നോട്ടുകള്‍.

കഴിഞ്ഞദിവസം രണ്ടുപേര്‍ക്കും അനാരോഗ്യം അനുഭവപ്പെട്ടതോടെയാണ് ഇവര്‍ പഴയനോട്ടുകള്‍ സൂക്ഷിച്ചുവച്ച വിവരം പുറംലോകം അറിയുന്നത്. തങ്ങളുടെ കൈയില്‍ പണം ഉണ്ടെന്നും ഇത് ഉപയോഗിച്ച് ചികില്‍സനടത്തണമെന്നും ഇവര്‍ ബന്ധുക്കളോട് പറഞ്ഞു. ഇതോടെ ബന്ധുക്കള്‍ പണം എടുത്ത് എണ്ണിനോക്കുമ്പോള്‍ എല്ലാം നിരോധിച്ച നോട്ടുകള്‍. രംഗമ്മാളിന്റെ കൈയില്‍ പഴയ നോട്ടുകളടങ്ങിയ 24,000 രൂപയും തങ്കമ്മാളിന്റെ കൈയില്‍ 22,000 രൂപയും ആണ് ഉണ്ടായിരുന്നത്.

comments


 

Other news in this section