Wednesday, December 11, 2019
Latest News
‘ഭൂമിയ്ക്ക് വേണ്ടി മുഴങ്ങിക്കേട്ട ഏറ്റവും വലിയ ശബ്ദം’; ടൈം മാഗസിന്റെ ‘പേഴ്സൺ ഓഫ് ദി ഇയർ’ പുരസ്‌കാരം ഗ്രെറ്റതൻബെർഗിന്    പ്രായമായ മാതാപിതാക്കളെ സംരക്ഷിക്കാത്ത മക്കൾക്കും, മരുമക്കൾക്കും പണി വരുന്നു; നിർണ്ണായക ബില്ല് ലോക്‌സഭാ പാസ്സാക്കി    നടി ആക്രമിക്കപ്പെട്ട സംഭവം; ഡിജിറ്റൽ തെളിവുകളുടെ പകർപ്പ് ദിലീപിന് നൽകാനാവില്ലെന്ന് വിചാരണ കോടതി; മൂന്ന് പ്രതികൾക്ക് ജാമ്യവും നിഷേധിച്ചു    വിസ്ഫോടനം നിലയ്ക്കാതെ വൈറ്റ് ഐലൻഡ്; കൂടുതൽ മൃതദേഹങ്ങൾക്കായുള്ള തെരച്ചിൽ ഇനിയും വൈകും    ട്രംപിനെതിരെ കടുത്ത ആരോപണങ്ങളുമായി ഡമോക്രാറ്റുകൾ; ഇംപീച്ച്‌മെൻ്റ് നടപടികൾ അടുത്തയാഴ്‌ച ഉണ്ടാകുമെന്ന് റിപ്പോർട്ട്   

എയര്‍ ഇന്ത്യയില്‍ യാത്രക്കാര്‍ക്ക് അധിക ബാഗേജ് ഓഫര്‍

Updated on 01-12-2019 at 8:47 am

ന്യൂഡല്‍ഹി: യാത്രക്കാര്‍ക്ക് അധിക ബാഗേജ് ഓഫറുമായി എയര്‍ ഇന്ത്യ. ആഭ്യന്തര യാത്രകള്‍ക്കാണ് എയര്‍ ഇന്ത്യ അധിക ബാഗേജ് ഓഫര്‍ നല്‍കുന്നത്. ഇത് അനുസരിച്ച് ഇനി 10 കിലോഗ്രാം വരെ ബാഗേജ് അധികമായി കൊണ്ടുപോകാന്‍ കഴിയും. സാധാരണ ഗതിയില്‍ എല്ലാ ആഭ്യന്തര, അന്താരാഷ്ട്ര ഫ്‌ലൈറ്റുകളിലും കര്‍ശനമായ ബാഗേജ് നിയമങ്ങളുണ്ട്. നിര്‍ദ്ദിഷ്ട പരിധിക്കപ്പുറമുള്ള ബാഗേജുകള്‍ക്ക് വിമാനകമ്പനികള്‍ യാത്രക്കാരില്‍ നിന്ന് അധിക ബാഗേജ് ഫീസ് ഈടാക്കുന്നുണ്ട്.

ധാരാളം ബാഗേജുകളുമായി കുടുംബത്തോടൊപ്പം യാത്ര ചെയ്യുന്നവര്‍ക്ക് എയര്‍ ഇന്ത്യയുടെ ഈ ഓഫര്‍ വളരെ ആശ്വാസം പകരുന്നതാണ്. കൂടാതെ ഈ അധിക ബാഗേജ് അലവന്‍സ് ഉപയോഗിച്ച് ഉപഭോക്താക്കള്‍ക്ക് 5,000 രൂപവരെ ലാഭിക്കുകയും ചെയ്യാം. അലയന്‍സ് എയര്‍ ഫ്‌ലൈറ്റിന്റേത് ഉള്‍പ്പെടെ ഇന്ത്യയിലെ ആഭ്യന്തര യാത്രകള്‍ക്കായുള്ള അധിക ബാഗേജ് നിരക്ക് കിലോയ്ക്ക് 500 രൂപയും ബാധകമായ ജിഎസ്ടിയുമാണ്.

ഫസ്റ്റ് ക്ലാസ്- 40 കിലോഗ്രാം, ബിസിനസ് ക്ലാസ് – 35 കിലോഗ്രാം, ഇക്കണോമിക് ക്ലാസ് – 25 കിലോഗ്രാം എന്നിങ്ങനെയാണ്. എല്ലാ ക്ലാസുകളിലും യാത്രചെയ്യുന്ന കുട്ടികള്‍ക്ക് -10 കിലോഗ്രാം, അലയന്‍സ് എയര്‍ ഫ്‌ലൈറ്റുകള്‍ക്ക് (ഷിംല/കുളു ഒഴികെ) – 15 കിലോഗ്രാം, അലയന്‍സ് എയര്‍ ഫ്‌ലൈറ്റുകള്‍ക്ക് (ഷിംല / കുളു) -10 കിലോഗ്രാം എന്നിവയുമാണ് പുതുക്കിയ ബാഗേജ് അലവന്‍സ്.

ധനകാര്യ മന്ത്രാലയത്തില്‍ നിന്ന് എയര്‍ ഇന്ത്യയ്ക്ക് സഹായങ്ങളൊന്നും ലഭിക്കുന്നില്ലെന്നും വൈകാതെ തന്നെ എയര്‍ ഇന്ത്യ സ്വകാര്യവല്‍ക്കരിക്കുന്നതിന്റെ നടപടികള്‍ ആരംഭിക്കുമെന്നും വ്യോമയാന മന്ത്രി ഹര്‍ദീപ് സിങ് പുരി കഴിഞ്ഞ ദിവസം ലോക്സഭയിലെ നടത്തിയ പ്രസ്താവനയില്‍ പറഞ്ഞിരുന്നു. മാര്‍ച്ചിനുള്ളില്‍ തന്നെ പൊതുമേഖലാ സ്ഥാപനമായ എയര്‍ ഇന്ത്യയുടെ സ്വകാര്യവല്‍ക്കരണം പൂര്‍ത്തിയാക്കുമെന്ന് ധനമന്ത്രി നിര്‍മല സീതാരാമന്‍ നേരത്തെ അറിയിച്ചിരുന്നു.

comments


 

Other news in this section