തിങ്കളാഴ്ച്ച രാത്രി M50-യിൽ നിർത്താതെ പോയ കാറിനെ അതിവേഗതയിൽ പിന്തുടർന്നാണ് കവർച്ചക്കാരനെന്നു സംശയിക്കുന്ന ആളെ ഗാർഡ പിടികൂടിയത് .ഏകദേശ 20 വയസ്സ് പ്രായം തോന്നിപ്പിക്കുന്ന കവർച്ചക്കാരൻ കഴിഞ്ഞ ദിവസങ്ങളിൽ കൗണ്ടി ഡൗണിൽ നടന്ന കൊള്ളയുടെ പ്രധാന കണ്ണി ആണെന്ന് കരുതപ്പെടുന്നു .
സംഭവത്തെ കുറിച്ച് ഗാർഡ പറയുന്നത് ഇങ്ങനെ . ദിവസേന നടത്താറുള്ള പട്രോളിങ്ന്റെ ഭാഗമായി താലയിലുള്ള റോസ്സഫീൽഡ് അവന്യുവിൽ ഈ കാറിനേയും തടഞ്ഞു . സൈഡിലോട്ടു മാറ്റി നിർത്താൻ പറഞ്ഞപ്പോൾ നിർത്താതെ പായാൻ തുടങ്ങിയ കാർ പട്രോളിങ്ങു് വന്ന രണ്ടു കാറിലും ഇടിച്ചു കൊണ്ടാണ് നീങ്ങിയത് .ഇതിൽ ഒരു പോലീസുകാരൻ (ഗാർഡ ) വണ്ടി ഇടിക്കാതെ കഷ്ടിച്ചാണ് രക്ഷപെട്ടത് .അപ്പൊഴേക്കം ഗാർഡ എല്ലാ സ്റ്റേഷനുകള്ക്കും അലെർട് ആകുകയും ,ഹോളിവുഡ് സിനിമയെ അനുസ്മരിപ്പിക്കുന്ന ഒരു കാർ ചെസ് ആണ് പിനീട്ട് നടന്നത് .കുറച്ചു കഴിഞ്ഞു M50-യിൽ ആയുധധാരികളായ ഗാർഡ കാറിനെ തടയുകയും അറസ്റ്റ് ചെയ്യുകയും ചെയ്തു .വണ്ടിയിൽ ഒരു സ്ത്രീയും ഉണ്ടായിരുന്നു .
വണ്ടി ഓടിച്ചിരുന്ന ആളെ താല ഗാർഡ സ്റ്റേഷനിൽ തടഞ്ഞു വെച്ചിരിക്കുകയാണ് ഇവിടെ വെച്ച് ഡ്രൈവറെ 24 മണിക്കൂർ ചോദ്യം ചെയ്യുന്നത് ആയിരിക്കുയും എന്നും ഗാർഡ കൂട്ടിച്ചേർക്കുന്നു . കാറിൽ വ്യാജ രെജിസ്ട്രേഷൻ പ്ലേറ്റുകളായിരുന്നു ഉണ്ടായിരുന്നത് അതും ഫോറൻസിക് പരിശോനയ്ക്ക് വിട്ടിട്ടുണ്ട്