Tuesday, February 25, 2020

ഐക്യരാഷ്ട്രസഭയുടെ മുന്നിൽ ഫെബ്. 1 – ന് ,പൗരത്വ നിയമത്തിനെതിരെ യൂറോപ്പ്യൻ മലയാളികളുടെ പ്രതിഷേധം .

Updated on 27-01-2020 at 6:16 am

Share this news

യൂറോപ്പിലെ വിവിധ രാജ്യങ്ങളിൽ നിന്നുള്ള മലയാളികൾ പ്രത്യേകിച്ച് സ്വിറ്റ്സർലൻഡ്, പോളണ്ട്, ജർമ്മനി  ,ഓസ്ട്രിയ ,സ്വീഡൻ,ഫിൻലാൻഡ് ,  അയർലൻഡ് തുടങ്ങിയ  രാജ്യങ്ങളിലെ  മലയാളികൾ എല്ലാവരും കൂടി ഒന്ന് ചേർന്ന് പൗരത്വ നിയമത്തിനെതിരെ ഐക്യരാഷ്ട്ര സഭയുടെ മുമ്പിൽ പ്രതിഷേധം   നടത്തുന്നു . പ്രതിഷേധ പരിപാടി   നിശ്ചയിച്ചിരിക്കുന്നത്  ഫെബ്രുവരി ഒന്നിന് ,ഉച്ചയ്ക്ക് 12 മണി മുതൽ 3 മണി വരെയാണ്   .

 പൗരത്വ നിയമവും ,പൗരത്വ പട്ടികയും  ഭരണഘടനപരമായുള്ള  ലംഘനമാണെന്നും ,മതേതരത്വത്തിനു  എതിരാണെന്നും  ഇന്ത്യയുടെ   ജനാധിപത്യത്തിലെ അടിസ്ഥാന  മൂല്യങ്ങളെ  എതിർക്കുന്നു   എന്നുള്ളതിനെതിരെയാണ്  സമരം  സംഘടിപിച്ചിരിക്കുന്നത് .യുപി   പോലീസിന്റെയും  ഡൽഹി   പോലീസിന്റെയും  നിഷ്ഠൂരമായ  മനുഷ്യത്ലംഘനപരമായുള്ള  പ്രവർത്തനങ്ങൾ ലോകരാജ്യങ്ങളുടെ മുന്നിൽ കൊണ്ടു  വരുക  എന്ന ലക്ഷ്യത്തോടുകൂടിയാണ് ഐക്യരാഷ്ട്രസഭയുടെ മുന്നിലുള്ള ഈ പ്രതിഷേധം.

ഈ പ്രതിഷേധത്തിന് പിന്തുണ ചെയ്തു ജവഹർലാൽ നെഹ്റു യൂണിവേഴ്സിറ്റി യൂണിയൻ പ്രസിഡണ്ട്   ആയിഷ ഘോഷിന്റെ കുറിപ്പും   , അന്യായമായി തടവിലാക്കപ്പെട്ട സഞ്ജീവ് ഭട്ടിന്റെ കുടുംബത്തിന്റെ കുറിപ്പും     ,ജാമിയ കോഓർഡിനേഷൻ കമ്മിറ്റിയുടെ കുറിപ്പും    വായിക്കുന്നുണ്ട്  . ഇതുകൂടാതെ   മലയാളിയായ കണ്ണൻ ഗോപിനാഥൻ  ഐ എ എസ്  ന്റെ ഒരു   തത്സമയ  പ്രസംഗം  കൂടെ ഈ പരിപാടിയുടെ കൂടെ നടത്തുന്നുണ്ട് ഏകദേശം 300 ഓളം ആളുകളെയാണ് ഈ പ്രതിഷേധത്തിൽ  പ്രതീക്ഷിക്കുന്നത് .കൈരളി പ്രോഗ്രസ്സിവ് ഫോറം സ്വിറ്റ്സർലൻഡ് ആണ് ഈ പരിപാടി സംഘടിപ്പിക്കുന്നത് 

comments


 

Other news in this section