ബ്രിട്ടണില് നിന്നും ഇന്ത്യയിലെത്തിക്കാനുള്ള നീക്കത്തിനെതിരെ അപ്പീല് നല്കി വിജയ് മല്യ
ബ്രിട്ടണില് നിന്നും ഇന്ത്യയിലേക്ക് തിരികെ അയക്കാനുള്ള നീക്കത്തിനെതിരെ വ്യവസായി വിജയ് മല്യ കോടതിയെ സമീപിച്ചു. മജിസ്ട്രേറ്റ് കോടതി വിധിയില് പിഴവുകള് ഉണ്ടെന്ന് കാട്ടിയാണ് അപ്പീല് നല്കിയത്. റോയല് കോര്ട്ട് ഓഫ് ജസ്റ്റിസിലാണ് മല്യ അപ്പീല് നല്കിയത്. ഇന്ത്യയിലേക്ക് തിരിച്ചയക്കണമെന്ന കീഴ്ക്കോടതി വിധിക്കെതിരെ അപ്പീല് നല്കാന് ചൊവ്വാഴ്ചയാണ് വിജയ് മല്യ ലണ്ടനിലെ റോയല് ഹൈക്കോടതിയില് എത്തിയത്. ഇന്ത്യയിലെ ബാങ്കുകളില് നിന്നായി 9000 കോടി രൂപയുടെ വായ്പയെടുത്ത് രാജ്യം വിട്ട മല്യ ബ്രിട്ടനില് അറസ്റ്റിലായതിന് പിന്നാലെ ജാമ്യത്തിലിറങ്ങിയിരുന്നു