ഡബ്ലിനിൽ താമസിക്കുന്ന മാംഗ്ലൂർ സ്വദേശികളായിരുന്ന ദമ്പതികളാണ് ഒരു ദിവസത്തെ ഇടവേളയിൽ മരിച്ചത് . ഈ കഴിഞ്ഞ ബുധനാഴ്ച ( 15 ഏപ്രിൽ ) വെളുപ്പിനെ ( 12.15 am ) ആണ് 34 – കാരൻ ലോയൽ സെക്ക്വേറ( Loyal Sequeira ) ഡ്രോഹഡയിൽ M1 -ൽ കാറപകടത്തിൽ മരിച്ചത്. ലോയൽ ആ സമയം മോട്ടോർ വേയിൽ കൂടി നടക്കുകയായിരുന്നു എന്നാണ് റിപ്പോർട്ടുകൾ.
തുടർന്ന് വ്യാഴാഴ്ചയാണ് ലോയലിന്റെ ഭാര്യ 36 – കാരി ഷാരോൺ സെക്ക്വേറ( Sharon Sequeira) മരിച്ചത്. ഭർത്താവിന്റെ മരണത്തെ തുടർന്നുണ്ടായ കടുത്ത മാനസിക ആഘാതത്തെ തുടർന്നാണ് ഷാരോൺ മരിച്ചതായി അറിയാൻ കഴിയുന്നത്.
2016 -ൽ വിവാഹിതരായ ഇവർക്ക് 2 കുട്ടികൾ ഉണ്ട്. ലോയലിന്റെ മാതാപിതാക്കളും ഡബ്ലിനിൽ ആണ് താമസം.