Tuesday, August 4, 2020

പൗരത്വ ചടങ്ങുകൾ ഓൺലൈനിൽ നടത്തി ഐറിഷ് സർക്കാർ

Updated on 12-07-2020 at 10:21 am

Share this news

യൂറോപ്പിലെ ആദ്യ വെർച്വൽ പൗരത്വ ആഘോഷങ്ങൾക്ക് അയർലണ്ട് വേദിയായി.

ഐറിഷ് പൗരത്വം ലഭിച്ച ഒൻപത് രാജ്യങ്ങളിൽ നിന്നുള്ള ഇരുപത്തിയൊന്ന് പേരുടെ പൗരത്വചടങ്ങുകളാണ് ഓൺലൈനായി നടത്തിയത്.

കോവിഡ് -19 സൃഷ്ടിച്ച പ്രതിസന്ധിയെ തുടർന്ന് മാർച്ച് ആദ്യം കൗണ്ടി കെറിയിൽ നടന്ന ചടങ്ങുകളിൽ പങ്കെടുക്കാതിരുന്ന 21 അപേക്ഷകരുടെ പൗരത്വ ചടങ്ങുകളാണ് കഴിഞ്ഞദിവസം നടന്നത്.

പൗരത്വം നേടിയവരിലധികവും യുകെയിൽ നിന്നാണ് (10). കൂടാതെ ചൈന (3), പോളണ്ട് (2), ലെബനൻ (1), തായ്ലൻഡ്(1), റഷ്യ(1) , റൊമാനിയ(1), ഇന്ത്യ(1), ബ്രസീൽ(1) എന്നിവിടങ്ങളിൽ നിന്നുള്ളവരും ഉൾപ്പെടുന്നു.

അപേക്ഷകരിൽ ഏറ്റവും മുതിർന്ന ആളിന്റെ പ്രായം 84 ഉം ഏറ്റവും കുറഞ്ഞ പ്രായം 26-മാണ്. പൗരത്വം ലഭിച്ചതിൽ രണ്ട് പേർ ദമ്പതികളുമാണ്.

അയർലണ്ടിന്റെ നിയമവ്യവസ്ഥയെ വിശ്വസ്തതയോടെ പാലിക്കുമെന്നും ജനാധിപത്യ മൂല്യങ്ങളെ മാനിക്കുമെന്നും അവർ പ്രതിജ്ഞയെടുത്തു.

അയർലണ്ടിലെ പുതിയ പൗരന്മാർക്ക് ജസ്റ്റിസ് മിനിസ്റ്റർ Helen McEntee  ഊഷ്മളമായ സ്വാഗതം ആശംസിച്ചു

comments


 

Other news in this section
WhatsApp chat