ബിച്ചു തിരുമല അന്തരിച്ചു
മലയാളികള്‍ക്ക് മറക്കാനാകാത്ത അനവധി ഗാനങ്ങള്‍ക്ക് വരികളെഴുതിയതിലൂടെ അനശ്വരതയിലേക്കുയര്‍ന്ന കലാകാരന്‍ ബിച്ചു തിരുമല (80) അന്തരിച്ചു. വാര്‍ദ്ധക്യ സഹജമായ അസുഖങ്ങളെത്തുടര്‍ന്ന് ഏതാനും മുമ്പ് തിരുവനന്തപുരത്തെ ആശുപത്രിയില്‍ പ്രവേശിപ്പിക്കപ്പെട്ട അദ്ദേഹം, ഇന്ന് പുലര്‍ച്ചെയാണ് വിടവാങ്ങിയത്. സംസ്‌കാരം ഇന്ന് വൈകിട്ട് 4.30-ന് ശാന്തികവാടത്തില്‍ നടക്കും. 1942 ഫെബ്രുവരി 13-ന് ചേര്‍ത്തല അയ്യനാട്ടുവീട്ടില്‍ സി.ജി ഭാസ്‌കരന്‍ നായരുടെയും, പാറുക്കുട്ടിയുടെയും മൂത്തമകനായാണ് ബി. ശിവശങ്കരന്‍ നായര്‍ എന്ന ബിച്ചു തിരുമലയുടെ ജനനം. തിരുവനന്തപുരത്തെ തിരുമലയിലേയ്ക്ക് താമസം മാറിയതോടെയാണ് ബിച്ചു തിരുമല എന്ന പേരില്‍ അറിയപ്പെടാനാരംഭിച്ചത്. … Read more