ഡബ്ലിനിൽ കാറപകടം; ഒരു മരണം
ഡബ്ലിനില് കാറപകടത്തില് ഒരാള് മരിച്ചു. Ballyfermot-ലെ Sarsfield Road-ല് ഞായറാഴ്ച രാത്രി 10.30-ഓടെയായിരുന്നു അപകടം. അപകടത്തെത്തുടര്ന്ന് ഗുരുതരമായ പരിക്കേറ്റ കാര് യാത്രികനായ പുരുഷനെ St James’s Hospital-ല് പ്രവേശിപ്പിച്ചെങ്കിലും അവിടെ വച്ച് മരണത്തിന് കീഴടങ്ങുകയായിരുന്നു. കാറിലുണ്ടായിരുന്ന ഒരു സ്ത്രീക്കും അപകടത്തില് പരിക്കേറ്റതായി ഗാര്ഡ പറഞ്ഞു. ഇവരുടെ പരിക്ക് ഗുരുതരമല്ല. അപകടത്തെത്തുടര്ന്ന് അടച്ചിട്ട Ballyfermot Road റോഡ് പിന്നീട് തുറന്നു.