ബസ് യാത്രകൾ നമ്മുടെ ദൈനംദിന ജീവിതത്തിൽ പുത്തൻ അനുഭവമല്ല. എന്നാൽ 18 രാജ്യങ്ങളിലൂടെയുള്ള ഒരു ബസ് യാത്ര!!!! അത് വ്യത്യസ്തമായൊരു അനുഭവം തന്നെയാകും യാത്രക്കാർക്ക് സമ്മാനിക്കുക.
യൂറോപ്പിൽ നിന്നും ഏഷ്യയിലേക്കാണ് ബസ് യാത്രയന്നുള്ളതാണ് എടുത്തു പറയേണ്ട മറ്റൊരു പ്രതേകത. UK-യിലെ ലണ്ടനിൽ നിന്നും യാത്ര ആരംഭിക്കുന്ന ബസ് 70 ദിവസം കൊണ്ട് 20,000 കിലോമീറ്റർ സഞ്ചരിച്ച് ഇന്ത്യയുടെ തലസ്ഥാന നഗരിയിൽ എത്തിച്ചേരും.
ലണ്ടൻ മുതൽ ഡൽഹി വരെയുള്ള യാത്രക്കിടയിൽ ബസ് കടന്നു പോകുന്ന 18 രാജ്യങ്ങളിലും സ്റ്റോപ്പുകൾ ഉണ്ടാകും. അഡ്വഞ്ചേഴ്സ് ഓവർലാൻഡാണ് ഈ ഇതിഹാസ ബസ് യാത്രയുടെ അമരക്കാർ. ബസ് റൂട്ട് 2021-ൽ സമാരംഭിക്കുമെന്നാണ് സൂചന.
മോസ്കോ, വിൽനിയസ്, പ്രാഗ്, ബ്രസ്സൽസ്, ഫ്രാങ്ക്ഫർട്ട്, ഗോബി മരുഭൂമി, ഉസ്ബെക്കിസ്ഥാനിലെ പുരാതന നഗരങ്ങളായ താഷ്കന്റ്, സമർകണ്ട്, മ്യാൻമറിലെ പഗോഡകൾ തുടങ്ങി 18 രാജ്യങ്ങളിലെ വൈവിധ്യമാർന്ന കാഴ്ചകൾ കണ്ടാസ്വദിക്കാനും ഈ യാത്രയിലൂടെ സാധിക്കും.