Sunday, November 29, 2020

ഹെൽപ്പ് ടു ബൈ (HTB) സ്‌ക്കിമിനെ കുറിച്ച് നിങ്ങൾക്ക് അറിയേണ്ടതെല്ലാം.

Updated on 18-11-2020 at 8:12 pm

Share this news

ജിതിൻ റാം (Louis Kennedy solicitors)

ആദ്യമായി പ്രോപ്പർട്ടി വാങ്ങുന്നവർക്കുള്ള പദ്ധതിയാണ് ഹെൽപ്പ് ടു ബൈ (HTB) സ്കീം. ഒരു പുതിയ വീട് അല്ലെങ്കിൽ അപ്പാർട്ട്മെന്റ് വാങ്ങാനോ നിർമ്മിക്കാനോ ആവശ്യമായ നിക്ഷേപമായി ബന്ധപ്പെട്ട് ഇത് നിങ്ങളെ സഹായിക്കും. കഴിഞ്ഞ നാല് വർഷങ്ങളിൽ നിങ്ങൾ റവന്യൂവിൽ അടച്ച ആദായനികുതി, Deposit Interest Retention Tax (DIRT) എന്നിവ HTB സ്‌കീം വഴി നിങ്ങൾക്ക് റീഫണ്ടായി തിരിച്ചു കിട്ടും.
2020 ലെ ശേഷിക്കുന്ന കാലയളവിലേക്ക്, വർദ്ധിപ്പിച്ച റിലീഫായി പരമാവധി തുക €30,000 വരെ ലഭ്യമാണ്.

ആർക്കൊക്കെ HTB സ്‌ക്കിമിന് അർഹതയുണ്ട്? :

1.പുതിയ ഒരു പ്രോപർട്ടി വാങ്ങുകയോ പണിയുകയോ ചെയ്യുന്ന വ്യക്തി( 2016 ജൂലൈ 19 നും 2020 ഡിസംബർ 31നും ഇടയ്ക്ക്)

2.നിർമ്മിക്കുകയോ വാങ്ങുകയോ ചെയ്ത ശേഷം 5 വർഷമായി സ്വന്തം ഭവനത്തിൽ ജീവിക്കുന്ന വ്യക്തി

3.ടാക്സ് മാനദണ്ഡങ്ങൾ കൃത്യമായി പാലിച്ചു പോരുന്ന വ്യക്തി.

HTB സ്കീമിന് യോഗ്യത നേടുന്നതിന്, നിങ്ങൾ സ്വന്തമായി അല്ലെങ്കിൽ മറ്റേതെങ്കിലും വ്യക്തിയുമായി ചേർന്ന് ഒരു വീടും അപ്പാർട്ട്മെന്റും മുമ്പ് വാങ്ങുകയോ നിർമ്മിക്കുകയോ ചെയ്തിട്ടുണ്ടാകാൻ പാടുള്ളതല്ല.
നിങ്ങൾ മറ്റ് ആളുകളുമായി പുതിയ പ്രോപ്പർട്ടി വാങ്ങുകയോ നിർമ്മിക്കുകയോ ചെയ്യുകയാണെങ്കിൽ, അവരും പ്രോപർട്ടി ആദ്യമായി വാങ്ങുന്നവരായിരിക്കണം. നിങ്ങൾക്ക് ഒരു പ്രോപ്പർട്ടി പാരമ്പര്യമായി അല്ലെങ്കിൽ സമ്മാനമായി ലഭിച്ചിട്ടുണ്ടെങ്കിൽ അത് നിങ്ങളുടെ യോഗ്യതയെ ബാധിക്കില്ല.

നിങ്ങൾ ഒരു പ്രോപ്പർട്ടി വാങ്ങുകയാണെങ്കിൽ, 2016 ജൂലൈ 19 നോ അതിനുശേഷമോ ആ പ്രോപ്പർട്ടി വാങ്ങുന്നതിനുള്ള കരാറിൽ നിങ്ങൾ ഒപ്പിട്ടിരിക്കണം. നിങ്ങൾ സ്വയം നിർമിക്കുന്ന ഭവനം ആണെങ്കിൽ ആ തീയതിയിലോ അതിനുശേഷമോ മോർട്ടഗേജിന്റെ ആദ്യ ഗഡു നിങ്ങൾ സ്വീകരിച്ചിരിക്കണം.
ഏതു കരാറുകാരന്റെ പക്കൽ നിന്നാണോ നിങ്ങൾ നിങ്ങളുടെ വീട് വാങ്ങിയത്, ആ കരാറുകാരനെ റവന്യൂ അംഗീകരിച്ചിരിക്കണം. നിങ്ങളുടെ ഡെവലപ്പർ അല്ലെങ്കിൽ contractor അംഗീകാരമുള്ള വ്യക്തിയാണെന്ന് ഉറപ്പാക്കാൻ അംഗീകൃത ഡെവലപ്പർമാരുടെയും കരാറുകാരുടെയും ലിസ്റ്റ് നിങ്ങൾ പരിശോധിക്കേണ്ടതുണ്ട്.

നിങ്ങൾക്ക് എത്രത്തോളം ക്ലെയിം ചെയ്യാൻ കഴിയും? :

1.നിങ്ങൾക്ക് ക്ലെയിം ചെയ്യാൻ കഴിയുന്ന തുക താഴെ കൊടുത്തിരിക്കുന്നതിലും കുറവായിരിക്കും€ 20,000 (മെച്ചപ്പെടുത്തിയ റിലീഫിനായി €30,000 ആയി ഉയർത്തിയിട്ടുണ്ട് )

2.ഒരു പുതിയ വീടിൻ്റെ മൊത്തം വിലയുടെ 5%.
സ്വയം നിർമ്മിച്ചതാണെങ്കിൽ പ്രോപ്പർട്ടി പൂർത്തീകരണ മൂല്യത്തിന്റെ 5% . മെച്ചപ്പെടുത്തിയ റിലീഫിനായി ഇത് 10% ആക്കിയുയർത്തിയിട്ടുണ്ട്

3.നിങ്ങൾ പ്രോപർട്ടി വാങ്ങുന്നതിനോ സ്വയം നിർമ്മിക്കുന്നതിനോ മുമ്പുള്ള നാല് വർഷത്തിൽ നിങ്ങൾ അടച്ച ആദായനികുതിയുടെയും Deposit Interest Retention Tax (DIRT) ന്റെയും തുക.

ഒരു പ്രോപ്പർട്ടിക്ക് €20,000 വീതമാണ് പരമാവധി പേയ്‌മെന്റ്.

(മെച്ചപ്പെടുത്തിയ റിലീഫ് € 30,000 ആയി ഉയർത്തിയത്). ഒരു വീട് വാങ്ങുന്നതിനുള്ള കരാറിൽ എത്രപേർ ഉൾപ്പെട്ടിട്ടുണ്ടെങ്കിലും ഈ cap (ചാർജ്) ബാധകമാണ്.നിങ്ങൾക്ക് എത്രത്തോളം ക്ലെയിം ചെയ്യാമെന്ന് കണക്കാക്കുമ്പോൾ Universal Social Charge (USC) അല്ലെങ്കിൽ Pay related Social Insurance (PRSI) എന്നിവ കണക്കിലെടുക്കില്ല.

സർക്കാരിന്റെ ജൂലൈ ഉത്തേജക പാക്കേജിന്റെ ഭാഗമായി ഒരു താൽക്കാലിക അധിക HTB ഇൻസെന്റീവ് ഏർപ്പെടുത്തിയിട്ടുണ്ട്.ഒരു പുതിയ വീട് അല്ലെങ്കിൽ അപ്പാർട്ട്മെന്റ് വാങ്ങുന്നതിന് ഒരു കരാർ ഒപ്പിടുകയോ
അല്ലെങ്കിൽ സ്വയം നിർമാണം നടത്തുകയാണെങ്കിൽ , മോർട്ട്ഗേജിന്റെ ആദ്യ ഗഡു സ്വീകരിച്ചിട്ടുണ്ടെങ്കിൽ 2020 ജൂലൈ 23 മുതൽ 2020 ഡിസംബർ 31 വരെയുള്ള കാലയളവിൽ അപേക്ഷകർക്ക് കൂടുതൽ റിലീഫ് നേടാൻ അർഹതയുണ്ട്. താഴെ കൊടുത്തിരിക്കുന്നതിലും കുറവായിരിക്കും പരമാവധി HTB റീഫണ്ട് :

1 .€ 30,000 ( €20,000 നിന്നും വർദ്ധിപ്പിച്ചത്)ഒരു പുതിയ വീട് വാങ്ങിയ വിലയുടെ 10% (5% ൽ നിന്ന് വർദ്ധിച്ചത്).

2.സ്വയം നിർമ്മിക്കുന്നതാണെങ്കിൽ പ്രോപ്പർട്ടി പൂർത്തീകരണ ചെലവിന്റെ 10% ആയിരിക്കും . (5% ൽ നിന്ന് വർദ്ധിപ്പിച്ചത്)

3.നിങ്ങൾ പ്രോപർട്ടി വാങ്ങുന്നതിനോ സ്വയം നിർമ്മിക്കുന്നതിനോ മുമ്പുള്ള നാല് വർഷത്തിൽ നിങ്ങൾ അടച്ച ആദായനികുതി യും Deposit Interest Retention Tax (DIRT) ന്റെയും തുക.

യഥാർത്ഥ സ്കീം പ്രകാരം HTB അപേക്ഷകർക്ക് മെച്ചപ്പെടുത്തിയ HTB സ്കീമിന് അപേക്ഷിക്കാവുന്നതാണ് . അതിനായി അവർ അവരുടെ യഥാർത്ഥ HTB അപേക്ഷ റദ്ദാക്കുകയും വർദ്ധിപ്പിച്ച റിലീഫ് ലഭിക്കുന്നതിന് പുനരപേക്ഷ നൽകുകയും വേണം.

റീഫണ്ട് എങ്ങനെയാണ് നൽകുന്നത്?:

2016 ജൂലൈ 19 നും 2016 ഡിസംബർ 31 നും ഇടയിലാണ് നിങ്ങൾ പ്രോപ്പർട്ടി വാങ്ങുകയോ നിർമ്മിക്കുകയോ ചെയ്തിരുന്നതെങ്കിൽ, നിങ്ങൾക്ക് നേരിട്ട് റീഫണ്ട് നൽകപ്പെടും.

2017 ജനുവരി ഒന്നിന് ശേഷമാണ് നിങ്ങൾ ഒരു പുതിയ പ്രോപർട്ടി വാങ്ങിയതെങ്കിൽ, റീഫണ്ട് കരാറുകാരന് നൽകും.

2017 ജനുവരി ഒന്നിന് ശേഷം ഒരു പ്രോപർട്ടി നിങ്ങൾ സ്വയം നിർമ്മിക്കുകയാണെങ്കിൽ, നിങ്ങളുടെ വായ്പ-ദാതാവുമായി ലിങ്ക് ചെയ്തിരിക്കുന്ന ഒരു ബാങ്ക് അക്കൗണ്ടിലേക്ക് റീഫണ്ട് നൽകും.

HTB യ്ക്ക് നിങ്ങൾ എങ്ങനെ അപേക്ഷിക്കും? :

എച്ച്ടിബി ഓൺ‌ലൈനായി അപേക്ഷിക്കുന്നതിന് “myAccount” അല്ലെങ്കിൽ Revenue online service (ROS) ഉപയോഗിക്കുക.ലിങ്ക് ഇവിടെ കൊടുക്കുന്നു:

https://www.ros.ie/myaccount-web/sign_in.html?execution=e1s1

https://www.ros.ie/oidc/login/noCertsFound?lang=en&client_id=rosint_rp

ഓൺലൈൻ അപേക്ഷയ്ക്ക് രണ്ട് ഘട്ടങ്ങളുണ്ട്:

നിങ്ങൾക്ക് ഒരു വ്യക്തിയെന്ന നിലയിലോ അല്ലെങ്കിൽ ഒരു ഗ്രൂപ്പിന്റെ ഭാഗമായോ ഒരു പ്രോപ്പർട്ടി വാങ്ങുന്നതിനോ നിർമിക്കുന്നതിനോ അപേക്ഷിക്കാം. നിങ്ങൾ ഒരു Declaration പൂരിപ്പിച്ച് റീഫണ്ടിനായി ടാക്സ് അടച്ച വർഷങ്ങൾ തിരഞ്ഞെടുക്കണം.

നിങ്ങൾ നികുതി മാനദണ്ഡങ്ങൾ കൃത്യമായി പാലിക്കുന്നയാളാണെങ്കിൽ, നിങ്ങളുടെ അപേക്ഷ അംഗീകരിക്കപ്പെടും. നിങ്ങൾക്ക് ഒരു അപ്ലിക്കേഷൻ നമ്പറും നിങ്ങൾക്ക് ക്ലെയിം ചെയ്യാൻ കഴിയുന്ന പരമാവധി തുകയുടെ ഒരു കണക്കും നൽകപ്പെടും . നിങ്ങൾക്ക് ‘MyEnquiries’ വഴി 6 അക്ക Acces code നൽകും .ഈ അപ്പള്ളിക്കേഷൻ നമ്പറും access code ഉം നിങ്ങൾ സൂക്ഷിച്ചു വെയ്ക്കുക കാരണം ഇത് നിങ്ങൾക്ക് കടം തരുന്ന സ്ഥാപനത്തിനു നൽകാനുള്ളതാണ്

നിങ്ങൾ വീട് വാങ്ങുകയാണെങ്കിൽ നിങ്ങളുടെ qualifying contractor ക്ക് ഈ കോഡുകൾ ആവശ്യമാണ്. നിങ്ങൾ കെട്ടിടം സ്വയം നിർമ്മിക്കുകയാണെങ്കിൽ നിങ്ങളുടെ സോളിസിറ്ററിനു ഈ കോഡുകൾ ആവശ്യമാണ്.
നിങ്ങൾ ഒരു HTB അപേക്ഷ കൊടുത്തിട്ടും ഇതുവരെ ഒരു ക്ലെയിമും നടത്തിയിട്ടില്ലെങ്കിൽ, നിങ്ങളുടെ അപേക്ഷ ഡിസംബർ 31 ന് കാലഹരണപ്പെടും.

ക്ലെയിം ഘട്ടം:

നിങ്ങളുടെ വീടിനായി കരാർ ഒപ്പിട്ടുവെങ്കിൽ അല്ലെങ്കിൽ നിങ്ങൾ സ്വയം നിർമ്മിക്കുന്ന അവസരത്തിൽ മോർട്ട്ഗേജിന്റെ ആദ്യ ഭാഗം നിങ്ങൾ സ്വീകരിച്ചുവെങ്കിൽ.

നിങ്ങൾക്ക് ക്ലെയിം ഉന്നയിക്കാൻ കഴിയും.

MyAccount അല്ലെങ്കിൽ Revenue Online Service (ROS) വഴി HTB- ലേക്ക് ലോഗിൻ ചെയ്ത് ഇനിപ്പറയുന്ന ഘട്ടങ്ങൾ പൂർത്തിയാക്കുക.

ഘട്ടം 1

നിങ്ങളുടെ ബാങ്ക് ഓഫറിൻറെ തെളിവുകളും നിങ്ങളുടെ അപേക്ഷയെക്കുറിച്ചുള്ള ഇനിപ്പറയുന്ന വിവരങ്ങളും അപ്‌ലോഡ് ചെയ്യുക:

നിങ്ങൾ ഒരു വീട് വാങ്ങുകയാണെങ്കിൽ: ഒപ്പിട്ട കരാറിന്റെ ഒരു പകർപ്പ്

നിങ്ങൾ ഒരു വീട് പണിയുകയാണെങ്കിൽ: മോർട്ട്ഗേജിന്റെ ആദ്യ ഗഡു സ്വീകരിച്ചതിന്റെ തെളിവ്

നിങ്ങളുടെ വായ്പക്കാരനിൽ നിന്നുള്ള മൂല്യനിർണ്ണയ റിപ്പോർട്ടിന്റെ ഒരു പകർപ്പ്.

ഘട്ടം 2

ഇനിപ്പറയുന്നവയെക്കുറിച്ചുള്ള വിശദാംശങ്ങൾ സ്ഥിരീകരിക്കാൻ നിങ്ങളോട് ആവശ്യപ്പെടും:

പ്രോപ്പർട്ടി അഡ്രെസ്സ്

പ്രോപ്പർട്ടി വാങ്ങിയ വില

എന്നാണ് പ്രോപ്പർട്ടി ട്രാൻസാക്ഷൻ പൂർത്തിയായ തീയതി

ഇതിനകം അടച്ച നിക്ഷേപത്തിന്റെ തുക.

നിങ്ങൾ മറ്റ് ആളുകളുമായി അപേക്ഷിക്കുകയാണെങ്കിൽ, ഓരോ വ്യക്തിക്കും റീഫണ്ട് ചെയ്യണ്ട റീഫണ്ടിന്റെ വീതത്തെ കുറിച്ച് സ്ഥിരീകരിക്കേണ്ടതുണ്ട്. നിങ്ങൾ സ്വയം നിർമ്മിക്കുന്നയാളാണെങ്കിൽ നിങ്ങളുടെ ലോൺ ബാങ്ക് അക്കൗണ്ടിന്റെ BIC, IBAN എന്നിവ നൽകേണ്ടതുണ്ട്.

ഒരിക്കൽ നിങ്ങളുടെ ക്ലെയിം സമർപ്പിച്ചുകഴിഞ്ഞാൽ നിങ്ങൾക്ക് ഒരു ക്ലെയിം റഫറൻസ് നൽകും.

നിങ്ങൾ ഒപ്പിട്ട് ക്ലെയിം സമർപ്പിക്കുന്നതിന് മുമ്പ് നിങ്ങൾ നൽകിയ എല്ലാ വിവരങ്ങളും ശ്രദ്ധാപൂർവ്വം പരിശോധിച്ചുവെന്ന് ഉറപ്പാക്കുക.

നിങ്ങൾ നൽകിയ ഏതെങ്കിലും വിവരം തെറ്റാണെങ്കിൽ, നിങ്ങൾ ഇനിപ്പറയുന്നവ ചെയ്യണം:

നിങ്ങളുടെ ക്ലെയിം റദ്ദാക്കുക

ശരിയായ വിവരങ്ങളോടെ ഒരു പുതിയ ക്ലെയിം സമർപ്പിക്കുക.

മൂന്നാം ഘട്ടം തുടരുന്നതിന് മുമ്പ് നിങ്ങൾ

ഇത് ചെയ്യണം.

ഘട്ടം 3

നിങ്ങളുടെ ക്ലെയിം സമർപ്പിച്ചുകഴിഞ്ഞാൽ, നിങ്ങളുടെ ഡവലപ്പറെയോ contractor നെയോ (അല്ലെങ്കിൽ നിങ്ങൾ സ്വയം നിർമ്മിക്കുന്നയാളാണെങ്കിൽ അഭിഭാഷകനെ) വിവരം അറിയിക്കണം.

നിങ്ങളുടെ ക്ലെയിം റഫറൻസും (ഘട്ടം 2 ന് ശേഷം നിങ്ങൾക്ക് നൽകിയത് ) ആക്സസ് കോഡും (നിങ്ങൾ അപേക്ഷ സമർപ്പിക്കുമ്പോൾ നിങ്ങൾക്ക് നൽകപ്പെട്ട ) നൽകുക. നിങ്ങൾക്ക് റീഫണ്ട് ലഭിക്കുന്നതിന് മുമ്പ്, നിങ്ങൾ നൽകിയ വിവരങ്ങൾ ഡെവലപർ അല്ലെങ്കിൽ കരാറുകാരൻ (പുതിയ ബിൽഡിന്റെ കാര്യത്തിൽ),സ്വയം നിർമ്മിക്കുകയാണെങ്കിൽ നിങ്ങളുടെ സോളിസിറ്ററുമായും ചേർന്ന് പരിശോധിക്കേണ്ടതാണ്.അയർലണ്ടിൽ കുടിയേറിയ മലയാളികൾക്ക് HTB സ്കീം വല്യ തോതിൽ ഗുണം ചെയ്തിട്ടുണ്ട്

comments


 

WhatsApp chat