ഏവരും വളരെ പ്രതീക്ഷയോടെ ഉറ്റുനോക്കുന്ന അയര്‍ലന്‍ഡിന്റെ ബജറ്റ് പ്രഖ്യാപനം നാളെ. ജീവിതച്ചിലവ് വര്‍ദ്ധനവ് മൂലം ദുരിതത്തിലായ ജനങ്ങള്‍ക്കും , രാജ്യത്തെ സ്ഥാപനങ്ങള്‍ക്കും സഹായകമായ അനേകം പദ്ധതികള്‍ ഇത്തവണ പ്രഖ്യാപിക്കപ്പെടുമെന്നാണ് പ്രതീക്ഷ. നാളെ പ്രഖ്യാപിക്കാന്‍ സാധ്യതയുള്ള ബജറ്റിലെ സുപ്രധാന പദ്ധതികള്‍ ഏതൊക്കെയന്ന് പരിശോധിക്കാം.
ജീവിതച്ചിലവ്
ഗ്യാസ്-വൈദ്യുതി വില വര്‍ദ്ധനവ് മൂലം ദുരിതത്തിലായ ജനങ്ങളെ സഹായിക്കാന്‍ പ്രത്യേക എനര്‍ജി റിബേറ്റ്
ചൈല്‍ഡ് ബെനിഫിറ്റ് ക്രിസ്തുമസിന് മുന്‍പ് ഇരട്ടിയാക്കും
സോഷ്യല്‍ വെല്‍ഫെയര്‍ സപ്പോര്‍ട്ടിന് അര്‍ഹരായവര്‍ക്ക് ക്രിസ്തുമസ് ബോണസിന് സമാനമായി ഒറ്റത്തവണയായി നല്‍കുന്ന കോസ്റ്റ് ഓഫ് ലിവിങ് പേയ്മെന്റ്
കുടുംബങ്ങള്‍
creche ഫീസ് പകുതിയാക്കി കുറയ്ക്കാന്‍ ലക്ഷ്യമിട്ടുകൊണ്ടുള്ള ശിശുസംരക്ഷണ പദ്ധതി
അടുത്തവര്‍ഷം മുതല്‍ എല്ലാ പ്രൈമറി സ്കൂള്‍ വിദ്യാര്‍ഥികള്‍ക്കും സൌജന്യ പുസ്തകങ്ങള്‍ നല്‍കാനുള്ള പദ്ധതി
സ്റ്റുഡന്റ്- ടീച്ചര്‍ അനുപാതം 24:1 ല്‍ നിന്നും 23:1 ആക്കി കുറയ്ക്കും
സ്കൂള്‍ ബസ് ട്രാന്‍സ്പോര്‍ട്ടിനായുള്ള പദ്ധതി
third-level fees ല്‍ 500 യൂറോ കുറവ്
ബിസിനസ്
ചെറുകിട-ഇടത്തരം സ്ഥാപനങ്ങള്‍ക്ക് ഊര്‍ജ്ജ-ഹീറ്റിങ് ബില്ലുകളില്‍ സഹായം നല്‍കുന്ന പദ്ധതി
സ്ഥാപനങ്ങള്‍ക്കായി പലിശ കുറഞ്ഞ ലോണുകള്‍
പരിശീലന പദ്ധതികള്‍ക്കായി പ്രത്യേക ഫണ്ടിങ്
ഗതാഗതം
പൊതുഗതാഗത സംവിധാനങ്ങളിലെ 20 ശതമാനം ഇളവ് അടുത്ത വര്‍ഷത്തേക്ക് കൂടി നീട്ടും.
ഗ്രീന്‍വേ, സൈക്ലിങ് സൌകര്യങ്ങള്‍ എന്നിവയുടെ വികസനത്തിനായി ഒരു ദിവസത്തിന് ഒരു മില്യണ്‍ യൂറോ എന്ന തോതില്‍ അടുത്ത വര്‍ഷത്തേക്ക് 364 മില്യണ്‍ യൂറോയുടെ പദ്ധതി.
സ്കൂള്‍ ട്രാന്‍സ്പോര്‍ട്ടിനുള്ള ഇന്ധന സബ്സിഡിക്കായി 10 മില്യണ്‍ യൂറോയുടെ പദ്ധതി.
നികുതി
ഏറ്റവും ഉയര്‍ന്ന ആദായനികുതിയായ 40 ശതമാനത്തിലേക്കുള്ള പ്രവേശനത്തിനുള്ള പരിധി 40000 യൂറോയാക്കി ഉയര്‍ത്തും
ന്യൂസ് പേപ്പറുകളുടെ ടാക്സ് പൂജ്യം ശതമാനമാക്കും
സാമൂഹ്യക്ഷേമം
എല്ലാ സാമൂഹിക ക്ഷേമ പേയ്മെന്റുകളിലും ആഴ്ചയില്‍ 10 യൂറോ എന്ന തോതില്‍ വര്‍ദ്ധനവ്
കൂടുതല്‍ പെന്‍ഷന്‍കാര്‍ക്ക് സഹായകമാവുന്ന രീതിയില്‍ ഇന്ധന അലവന്‍സ് പദ്ധതി വ്യാപിപ്പിക്കും
ഫാമിലി പേയ്മെന്റ് സ്കീമിനുള്ള യോഗ്യതാ മാനദണ്ഢം വിപൂലീകരിക്കും
ഹൗസിങ്
Help to Buy പദ്ധതി അടുത്ത വര്‍ഷത്തേക്കും നീട്ടും
റെന്റേഴ്സിന് ടാക്സ് ക്രെഡിറ്റ് ലഭിക്കും
മറ്റുള്ളവ
ഗാര്‍ഡയില്‍ 800 പുതിയ സേനാംഘങ്ങള്‍
ഹോസ്പിറ്റല്‍ ചാര്‍ജ്ജുകള്‍ ഒഴിവാക്കാനുള്ള പദ്ധതി
