യൂറോപ്യന്‍, വടക്കന്‍ അമേരിക്കന്‍ ടൂറിസ്റ്റ് കേന്ദ്രങ്ങളിലേയ്ക്കുള്ള റിട്ടേണ്‍ വിമാന ടിക്കറ്റുകള്‍ക്ക് വമ്പന്‍ ഓഫറുകള്‍ പ്രഖ്യാപിച്ച് ഐറിഷ് എയര്‍ലൈന്‍ കമ്പനിയായ Aer lingus. യു.കെ, യൂറോപ്പ് എന്നിവിടങ്ങളിലേയ്ക്ക് അയര്‍ലണ്ടില്‍ നിന്നുമുള്ള റിട്ടേണ്‍ ഫ്‌ളൈറ്റുകളില്‍ 20 യൂറോ ആണ് ഓഫ്. വടക്കന്‍ അമേരിക്കയിലേയ്ക്കുള്ള മടക്ക യാത്രകളില്‍ 100 യൂറോയും, ഇതേ റൂട്ടില്‍ ബിസിനസ് ക്ലാസില്‍ 200 യൂറോയും ഓഫുണ്ട്.
പുതിയ സര്‍വീസുകളായ Dalaman (Turkey), Catania (Sicily), Heraklion (Crete), ഫ്രാന്‍സിലെ Bordeaux, Lyon, Marseille, Nantes, Toulouse, Vienna, Paris, Corfu എന്നീ ഫ്‌ളൈറ്റുകളില്‍ ഓഫര്‍ ലഭ്യമാണ്.
വടക്കേ അമേരിക്കയില്‍ ഓഫര്‍ ലഭ്യമായ പ്രധാന റൂട്ടുകള്‍ Seattle, Philadelphia, Orlando, Miami, New York, Minneapolis St-Paul എന്നിവയാണ്.
ജനുവരി 30 മുതല്‍ ടിക്കറ്റുകള്‍ ബുക്ക് ചെയ്യാം. ഫെബ്രുവരി 1 മുതല്‍ മെയ് 31 വരെ ടിക്കറ്റുകള്‍ക്ക് വാലിഡിറ്റി ഉണ്ടാകും.
