യൂറോപ്യൻ ചാമ്പ്യൻഷിപ്പിൽ സ്വർണ്ണം നേടി അയർലണ്ട് മിക്സഡ് റിലേ ടീം; ഫിനിഷിങ് റെക്കോർഡ് സമയത്തിൽ

റോമില്‍ നടക്കുന്ന യൂറോപ്യന്‍ അത്‌ലറ്റിക്‌സ് ചാംപ്യന്‍ഷിപ്പില്‍ അയര്‍ലണ്ടിന്റെ മിക്‌സഡ് റിലേ ടീമിന് സ്വര്‍ണ്ണം. 4×400 മീറ്റര്‍ റിലേയിലാണ് 3:09.92 മിനിറ്റില്‍ കുതിച്ച് പാഞ്ഞ് ഫിനിഷ് ചെയ്ത Chris O’Donnell, Rhasidat Adeleke, Thomas Barr,Sharlene Mawdsley എന്നിവരുടെ സംഘം സ്വര്‍ണ്ണത്തില്‍ മുത്തമിട്ടത്.

ഈ ഫിനിഷിങ് സമയം പുതിയ ദേശീയ, യൂറോപ്യന്‍ ചാംപ്യന്‍ഷിപ്പ് റെക്കോര്‍ഡുകളുമാണ് എന്നത് നേട്ടത്തിന്റെ തിളക്കം വര്‍ദ്ധിപ്പിക്കുന്നു. ലോക റെക്കോര്‍ഡിന് ഒരു സെക്കന്റ് മാത്രം പിന്നിലാണ് അയര്‍ലണ്ടിന്റെ ഫിനിഷിങ്. 3:10.69 എന്ന സമയത്തില്‍ ഇറ്റലി രണ്ടാമതും, 3:10.73 സമയത്തില്‍ നെതര്‍ലണ്ട്‌സ് മൂന്നാമതും ഫിനിഷ് ചെയ്തു.

1998-ല്‍ 5,000 മീറ്ററിലും, 10,000 മീറ്ററിലും സോണിയ ഒ സള്ളിവന്‍ സ്വര്‍ണ്ണം നേടിയ ശേഷം ഇതാദ്യമായാണ് യൂറോപ്യന്‍ അതില്റ്റിക്‌സ് ചാംപ്യന്‍ഷിപ്പില്‍ പച്ചപ്പട സ്വര്‍ണ്ണം നേടുന്നത്. അയര്‍ലണ്ടിന്റെ ചാംപ്യന്‍ഷിപ്പ് ചരിത്രത്തിലെ രണ്ടാമത്തെ സ്വര്‍ണ്ണ നേട്ടവുമാണിത്.

Share this news

Leave a Reply

%d bloggers like this: