രാജ്യത്തെ മോര്‍ട്ട്‌ഗേജ് പലിശനിരക്കുകള്‍ വീണ്ടും കുറഞ്ഞതായി സെന്‍ട്രല്‍ ബാങ്ക് ഓഫ് അയര്‍ലണ്ട്. മെയ് മാസത്തെ കണക്ക് പ്രകാരം രാജ്യത്തെ പുതിയ മോര്‍ട്ട്‌ഗേജുകളുടെ ശരാശരി പലിശനിരക്ക് 4.17% ആണ്. ഏപ്രില്‍ മാസത്തെക്കാള്‍ 0.07% കുറവാണിത്. ഇതോടെ കഴിഞ്ഞ ഒമ്പത് മാസത്തെ ഏറ്റവും കുറഞ്ഞ പലിശനിരക്കില്‍ എത്തിയിരിക്കുകയാണ് അയര്‍ലണ്ടിലെ മോര്‍ട്ട്‌ഗേജുകള്‍.
അതേസമയം നിരക്ക് കുറഞ്ഞെങ്കിലും നിലവില്‍ യൂറോസോണില്‍ ഏറ്റവുമധികം പലിശനിരക്കുള്ള ആറാമത്തെ രാജ്യമാണ് അയര്‍ലണ്ട്. 3.80% ആണ് യൂറോസോണിലെ ശരാശരി നിരക്ക്. 1.97% പലിശനിരക്കുള്ള മാള്‍ട്ടയാണ് പ്രദേശത്ത് ഏറ്റവും കുറഞ്ഞ പലിശയ്ക്ക് മോര്‍ട്ട്‌ഗേജ് ലഭിക്കുന്ന രാജ്യം. മറുവശത്ത് 5.97% നിരക്കോടെ ലാത്വയയാണ് പലിശനിരക്കില്‍ ഏറ്റവും മുന്നില്‍.
ജൂണ്‍ മാസത്തില്‍ പലിശനിരക്കുകള്‍ കുറച്ച യൂറോപ്യന്‍ സെന്‍ട്രല്‍ ബാങ്ക് നടപടിയാണ് അയര്‍ലണ്ടടക്കമുള്ള യൂറോപ്യന്‍ രാജ്യങ്ങളില്‍ നിരക്ക് താഴാന്‍ കാരണം.
