കോര്ക്കുകാര് ഏറെ പ്രതീക്ഷയോടെ കാത്തിരുന്ന Dunkettle Interchange ഉപപ്രധാനമന്ത്രി മീഹോള് മാര്ട്ടിന് ഔദ്യോഗികമായി ജനങ്ങള്ക്ക് തുറന്നുകൊടുത്തു. കോര്ക്ക് നഗരത്തിലെ ഗതാഗതക്കുരുക്കിന് പരിഹാരം കാണുന്നതിനായി 215 മില്യണ് യൂറോ ചെലവിട്ടാണ് 10 കി.മീ നീളത്തിലുള്ള ഇന്റര്ചേഞ്ച് നിര്മ്മാണം പൂര്ത്തിയാക്കിയത്.
കോര്ക്ക് നഗരത്തില് നിന്നും 5 കി.മീ മാറി സ്ഥിതി ചെയ്യുന്ന പദ്ധതിയില് 18 റോഡ് ലിങ്കുകള്, ഏഴ് പുതിയ പാലങ്ങള് എന്നിവയുണ്ട്. കോര്ക്ക്-ഡബ്ലിന് M8 മോട്ടോര്വേ അടക്കം നാല് ദേശീയപാതകള് ഇവിടെ സംഗമിക്കുന്നു.
2013-ല് പ്ലാനിങ് പെര്മിഷന് ലഭിച്ച പദ്ധതിയുടെ ജോലികള് ആരംഭിക്കുന്നത് 2020-ലാണ്.
റോഡില് തിരക്കേറിയ സമയങ്ങളില് യാത്രാസമയം 50 ശതമാനം കുറയ്ക്കാന് ഇന്റര്ചേഞ്ച് പദ്ധതി സഹായകമായെന്നാണ് ട്രാന്സ്പോര്ട്ട് ഇന്ഫ്രാസ്ട്രക്ചര് അയര്ലണ്ടിന്റെ കണക്കുകള്.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW
Discussion