ബ്രുട്ടസ് ന്‍റെ തലയുള്ള അപൂര്‍വ റോമൻ നാണയത്തിന്‍റെ വില €2 മില്ല്യണിനടുത്ത്

ജൂലിയസ് സീസറിനെ വധിച്ച ബ്രൂട്ടസിന്റെ ചിത്രം ഉള്‍ക്കൊള്ളുന്ന ഒരു അപൂര്‍വ്വ റോമൻ നാണയം സ്വിറ്റ്സർലാണ്ടിലെ ലേലത്തിൽ €1.98 മില്ല്യണിന് വിറ്റുപോയതായി സംഘാടകരായ Numismatica Genevensis അറിയിച്ചു.

ചരിത്രപ്രധാനമായ ഈ നാണയം, ഒൻപത് ഓൺലൈൻ ലേലക്കാർ തമ്മിലുള്ള കടുത്ത മത്സരത്തിനുശേഷം, 1.83 മില്ല്യൺ സ്വിസ് ഫ്രാങ്ക് മുകളിൽ വിലയ്ക്ക് ഒരു “യൂറോപ്യൻ കലക്റ്റര്‍” വാങ്ങിയതായി ഡീലർ പ്രസ്താവനയിൽ അറിയിച്ചു.

നാണയത്തിന്‍റെ  ആരംഭ വില €800,000 മുകളിൽ ആയിരുന്നു.

എട്ട് ഗ്രാം ഭാരവും ഒരു യൂറോ നാണയത്തിന്റെ വലുപ്പത്തിലും സാദൃശ്യമുള്ളതുമായ ഈ നാണയം റോമൻ റിപ്പബ്ലിക്കിന്റെ അവസാന അധ്യായങ്ങളെ പ്രതിനിധീകരിക്കുന്ന “ചരിത്രത്തിന്റെ ഒരു ഭാഗമാണ്” എന്ന് നുമിസ്മാറ്റിക്ക ജെനേവെൻസിസ് ഡയറക്ടർ ഫ്രാങ്ക് ബാല്ദാച്ചി ലേലത്തിന് മുമ്പ് പറഞ്ഞു.

“ഈ നാണയം 43-42 BC-ൽ ബ്രൂട്ടസും കൂട്ടാളികളും ചേര്‍ന്ന് രൂപീകരിച്ചു, ഇവർ മാർച്ച് 44 BC-ൽ ജൂലിയസ് സീസറെ വധിച്ചിരുന്നു,”  ബാല്ദാച്ചി വിശദീകരിച്ചു.

ഈ നാണയത്തിന്റെ മുന്നില്‍ ബ്രൂട്ടസിന്റെ പ്രൊഫൈൽ ചിത്രം ആലേഖനം ചെയ്തിരിക്കുന്നു,  പിന്നിൽ ബ്രുട്ടസ് ന്‍റെ സൈനിക വിജയം ആഘോഷിക്കുന്ന യുദ്ധചിഹ്നങ്ങൾ അടങ്ങിയിരിക്കുന്നു.