അഞ്ചാഴ്ചയ്ക്ക് ശേഷം ഫ്രാൻസിസ് മാർപ്പാപ്പ ആശുപത്രി വിട്ടു

അഞ്ചാഴ്ചത്തെ ആശുപത്രി വാസത്തിന് ശേഷം ഫ്രാന്‍സിസ് മാര്‍പ്പാപ്പ ജനങ്ങളെ അഭിസംബോധന ചെയ്തു. ഇന്നലെയാണ് 88-കാരനായ മാര്‍പ്പാപ്പ ന്യൂമോണിയ ചികിത്സയ്ക്ക് ശേഷം ആദ്യമായി പൊതുയിടത്തില്‍ പ്രത്യക്ഷപ്പെട്ടത്. Gemelli ആശുപത്രിക്ക് പുറത്ത് വച്ചായിരുന്നു അദ്ദേഹം ജനങ്ങളെ അഭിസംബോധന ചെയ്തത്.

ആശുപത്രിക്ക് പുറത്ത് വീല്‍ചെയറില്‍ എത്തിയ മാര്‍പ്പാപ്പ മൈക്കില്‍ ‘Thank you, everyone’ എന്നാണ് ജനങ്ങളോട് പറഞ്ഞത്. ശേഷം അദ്ദേഹം Santa Marta-യിലേയ്ക്ക് തിരികെ പോയി.

അതേസമയം ആശുപത്രി വിട്ടെങ്കിലും രണ്ട് മാസത്തെ വിശ്രമം മാര്‍പ്പാപ്പയ്ക്ക് ആവശ്യമാണ്. അദ്ദേഹത്തിന്റെ ശബ്ദം സാധാരണ പോലെയാകാനും സമയമെടുക്കും. ചികിത്സയ്ക്കിടെ പലപ്പോഴും രോഗം ഗുരുതരമാകുക കൂടി ചെയ്തത് വലിയ ആശങ്കയ്ക്ക് വഴിയൊരുക്കിയിരുന്നെങ്കിലും ആഴ്ചകള്‍ നീണ്ട ചികിത്സയ്ക്ക് ശേഷം അദ്ദേത്തെ ഞായറാഴ്ച ഡിസ്ചാര്‍ജ്ജ് ചെയ്യുകയായിരുന്നു.

ആശുപത്രി വിട്ട ശേഷം പിന്നീട് പലസ്തീന്‍ വിഷയത്തിലും മാര്‍പ്പാപ്പ പ്രതികരിക്കുകയുണ്ടായി. ഗാസയില്‍ ഇസ്രായേല്‍ ഉടനടി ആക്രമണം അവസാനിപ്പിക്കണമെന്ന് പറഞ്ഞ അദ്ദേഹം, ബന്ദികളെ മോചിപ്പിക്കണമെന്നും ആവശ്യപ്പെട്ടു.