പന്ത്രണ്ട് രാജ്യങ്ങളില് നിന്നുള്ള പൗരന്മാര്ക്ക് അമേരിക്കയിലേക്ക് പൂര്ണ പ്രവേശന വിലക്ക് ഏര്പ്പെടുത്തി പ്രസിഡന്റ് ഡോണള്ഡ് ട്രംപ്. അഫ്ഗാനിസ്ഥാന്, മ്യാന്മര്, ചാഡ്, റിപ്പബ്ലിക് ഓഫ് കോംഗോ, ഇക്വറ്റോറിയല് ഗിനിയ, എറിത്രിയ, ഹെയ്തി, ഇറാന്, ലിബിയ, സൊമാലിയ, സുഡാന്, യെമന് എന്നിവിടങ്ങളില് നിന്നുള്ളവര്ക്കാണ് യുഎസ് പ്രവേശനം പൂര്ണമായി വിലക്കിയിട്ടുള്ളത്.
ബറൂണ്ടി, ക്യൂബ, ലാവോസ്, സിയറ ലിയോണ്, ടോഗോ, തുര്ക്ക്മെനിസ്ഥാന്, വെനസ്വേല തുടങ്ങിയ 7 രാജ്യങ്ങളിലെ പൗരന്മാര്ക്ക് ഭാഗിക വിലക്ക് ഉള്പ്പെടെയുള്ള നിയന്ത്രണങ്ങളും കര്ശനമാക്കി.
തീവ്രവാദ ബന്ധം, യുഎസ് കുടിയേറ്റ നിര്വ്വഹണ സംവിധാനങ്ങളുമായുള്ള നിസ്സഹകരണം, നിരീക്ഷണ സംവിധാനങ്ങളുടെ അപര്യാപ്ത എന്നിവ ചൂണ്ടിക്കാട്ടി ‘വളരെ ഉയര്ന്ന അപകടസാധ്യത’ ഉള്ള രാജ്യങ്ങള് എന്ന് വിശേഷണമാണ് വിലക്കിന് കാരണമായി വൈറ്റ് ഹൗസ് പറയുന്നത്.
യാത്രാ നിരോധനം യുഎസ് സുപ്രീം കോടതിയും ശരിവച്ചു. നിയന്ത്രണം ‘പ്രസിഡന്ഷ്യല് അധികാരത്തിന്റെ പരിധിക്കുള്ളിലാണെന്നും, നിയമാനുസൃതമായ ലക്ഷ്യങ്ങളോടെയുള്ളതാണ് എന്നും സുപ്രീം കോടതിയും പറഞ്ഞു.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW
Discussion