സെന്റ് ബ്രിജിഡ് ദിന അവധിയോടെയെത്തിയ വാരാന്ത്യത്തില് അയര്ലണ്ടില് വേഗപരിധി ലംഘിച്ചതിന് പിടിയിലായത് 3,000 ഡ്രൈവര്മാര്. ഇതിലൊരാളാകട്ടെ 120 കി.മീ പരമാവധി വേഗത നിശ്ചയിച്ചിട്ടുള്ള റോഡിലൂടെ മണിക്കൂറില് 228 കി.മീ വേഗതയിലാണ് കാറുമായി പറന്നത്. Co Louth-ലെ Drogheda-യിലുള്ള Balgatheran M1 റോഡിലായിരുന്നു സംഭവം.
ഫെബ്രുവരി 1 മുതല് 6 വരെ റോഡ് സുരക്ഷയുടെ ഭാഗമായി പ്രത്യേക ഓപ്പറേഷന് ഗാര്ഡയുടെ നേതൃത്വത്തില് നടത്തിവരുന്നുണ്ടായിരുന്നു. ഈ ദിവസങ്ങളില് രാജ്യത്ത് 11 ഗുരുതര അപകടങ്ങളാണ് ഉണ്ടായത്. 12 പേര്ക്ക് ഗുരുതര പരിക്കുകളും ഏറ്റു.
മദ്യം, മറ്റ് ലഹരിവസ്തുക്കള് എന്നിവ ഉപയോഗിച്ച് വാഹനമോടിച്ച 161 പേരെ ഈ ദിവസങ്ങളില് ഗാര്ഡ അറസ്റ്റ് ചെയ്തു. ഇതില് 15% പേര് പിടിക്കപ്പെട്ടത് രാവിലെ 6 മണിക്കും ഉച്ചയ്ക്ക് 2 മണിക്കും ഇടയിലാണ്.
ഡ്രൈവിങ്ങിനിടെ മൊബൈല് ഫോണ് ഉപയോഗിച്ചതിന് 110 പേരും പിടിയിലായി.
ലൈസന്സ് ഉള്ളയാളുടെ സാന്നിദ്ധ്യത്തിലല്ലാതെ വാഹനമോടിച്ച 215 ലേണര് ഡ്രൈവര്മാരെ പിടികൂടിയതായും, 100-ലധികം വാഹനങ്ങള് പിടിച്ചെടുത്തതായും ഗാര്ഡ അറിയിച്ചു.
ടാക്സ്, ഇന്ഷുറന്സ് എന്നിവ ഇല്ലാതെ ഓടിയ 420 വാഹനങ്ങളും പിടിച്ചെടുത്തു.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW