ഡബ്ലിനിലെ പ്രശസ്തമായ ബീച്ചിൽ നീന്തൽ നിരോധനം

സൗത്ത് ഡബ്ലിനിലെ പ്രശസ്ത ബീച്ചായ Blackrock Seafront-ല്‍ നീന്തല്‍ നിരോധിച്ച് കൗണ്ടി കൗണ്‍സില്‍. ഇവിടുത്തെ വെള്ളത്തില്‍ E-Coli, Enterococci ബാക്ടീരിയകളുടെ സാന്നിദ്ധ്യം കണ്ടെത്തിയതിനെത്തുടര്‍ന്ന് Dún Laoghaire-Rathdown County Council ആണ് ജനങ്ങള്‍ക്ക് മുന്നറിയിപ്പ് നല്‍കിയിരിക്കുന്നത്.

ജൂലൈ 10-ന് ബീച്ചില്‍ നിന്നും ശേഖരിച്ച വെള്ളത്തിലാണ് മനുഷ്യരില്‍ വയറിളക്കം, ഛര്‍ദ്ദി, മൂത്രാശയ അണുബാധ മുതലായവ ഉണ്ടാക്കുന്ന ബാക്ടീരിയകളുടെ സാന്നിദ്ധ്യം കണ്ടെത്തിയത്. അതിശക്തമായ മഴയില്‍ പലയിടത്തുനിന്നായി ഒഴുകിയെത്തിയ വെള്ളത്തിലൂടെയാണ് ഇവ ബീച്ചിലെത്തിയത്.

ബുധനാഴ്ച വരെയാണ് നീന്തല്‍ നിരോധനം.