യൂറോപ്യന് അത്ലറ്റിക്സ് ചാംപ്യന്ഷിപ്പില് അയര്ലണ്ടിന് വീണ്ടും സ്വര്ണ്ണനേട്ടം. റോമില് നടക്കുന്ന ചാംപ്യന്ഷിപ്പില് വനിതകളുടെ 1,500 മീറ്റര് ഓട്ടത്തിലാണ് അയര്ലണ്ടിന്റെ Ciara Mageean സ്വര്ണ്ണം ചൂടിയത്. 4:04.66 എന്ന സമയത്തില് എതിരാളികളെ പിന്നിലാക്കിയ Mageean ഈ വട്ടത്തെ ചാംപ്യന്ഷിപ്പില് അയര്ലണ്ടിന്റെ സ്വര്ണ്ണനേട്ടം രണ്ടാക്കി ഉയര്ത്തി.
യൂറോപ്യന് ചാംപ്യന്ഷിപ്പിന്റെ 2016 എഡിഷനില് വെങ്കലവും, 2022-ല് വെള്ളിയും നേടിയ Mageean, ഇത്തവണ സ്വര്ണ്ണവുമായേ മടങ്ങൂ എന്ന വാശിയിലെന്ന പോലെയാണ് മത്സരിച്ചത്. മത്സരത്തില് ഫ്രാന്സ് രണ്ടാം സ്ഥാനവും, സ്പെയിന് മൂന്നാം സ്ഥാനവും നേടി. 1,500 മീറ്റര് ഫൈനലില് അയര്ലണ്ടിന്റെ തന്നെ മറ്റൊരു മത്സരാര്ത്ഥിയായ Sarah Healy-യും മത്സരിച്ചെങ്കിലും ഏഴാമതായാണ് ഫിനിഷ് ചെയ്തത്.
വടക്കന് അയര്ലണ്ടിലെ Portaferry സ്വദേശിയാണ് 32-കാരിയായ Mageean.
ഇതോടെ ചാംപ്യന്ഷിപ്പില് അയര്ലണ്ടിന്റ സ്വര്ണ്ണനേട്ടം രണ്ട് ആയിരിക്കുകയാണ്. നേരത്തെ അയര്ലണ്ടിനായി 4X400 മീറ്റര് മിക്സഡ് റിലേ ടീമും സ്വര്ണ്ണത്തില് മുത്തമിട്ടിരുന്നു.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW