കിൽഡെയറിൽ നടന്ന ആക്രമണത്തിൽ യുവാവിന് ഗുരുതര പരിക്ക്; അന്വേഷണത്തിന് പൊതുജനസഹായം തേടി ഗാർഡ

കൗണ്ടി കില്‍ഡെയറിലെ Naas-ല്‍ നടന്ന ആക്രമണത്തില്‍ യുവാവിന് ഗുരുതര പരിക്ക്. ഞായറാഴ്ച പുലര്‍ച്ചെ 2.45-ഓടെ നോര്‍ത്ത് മെയിന്‍ സ്ട്രീറ്റില്‍ വച്ച് നടന്ന ആക്രമണത്തില്‍ പരിക്കേറ്റ 30-കളില്‍ പ്രായമുള്ള പുരുഷന്‍ ബ്യൂമോണ്ട് ആശുപത്രിയില്‍ ചികിത്സയിലാണ്.

സംഭവത്തില്‍ അന്വേഷണമാരംഭിച്ച ഗാര്‍ഡ 20-കളില്‍ പ്രായമുള്ള മറ്റൊരു പുരുഷനെ ക്രമസമാധാനപ്രശ്‌നങ്ങളുടെ പേരില്‍ അറസ്റ്റ് അറസ്റ്റ് ചെയ്‌തെങ്കിലും പിന്നീട് വിട്ടയച്ചു.

മാര്‍ച്ച് 15 ഞായറാഴ്ച പുലര്‍ച്ചെ 2:20-നും 3:00 മണിക്കും ഇടയില്‍ Naas-ലെ നോര്‍ത്ത് മെയിന്‍ സ്ട്രീറ്റ് പ്രദേശത്ത് ഉണ്ടായിരുന്ന ആരെങ്കിലും അക്രമസംഭവത്തിന് ദൃക്‌സാക്ഷികളായിട്ടുണ്ടെങ്കിലോ, ആരുടെയെങ്കിലും കൈവശം സംഭവത്തിന്റെ വീഡിയോ ദൃശ്യങ്ങള്‍ ഉണ്ടെങ്കിലോ താഴെ പറയുന്ന നമ്പറുകളിലോ, ഏതെങ്കിലും സ്‌റ്റേഷനുകളിലോ ബന്ധപ്പെടണമെന്ന് ഗാര്‍ഡ അഭ്യര്‍ത്ഥിച്ചു:
Naas Garda Station 045 884300
Garda Confidential Line 1800 666 111