ക്ലെയർലെ ഒരു പള്ളിയുടെ ഗോപുരം ഇടി മിന്നലേറ്റ് തീ പിടിച്ചു തകര്‍ന്നു വീണു

ക്ലെയർ കൗണ്ടിയിലെ റുവാനിൽ സ്ഥിതിചെയ്യുന്ന ഒരു പള്ളി കെട്ടിടം ഇടി മിന്നല്‍ ഏറ്റതിനെ തുടര്‍ന്ന് തകർന്നു വീണു.

ഞായറാഴ്ച പുലര്‍ച്ചെയോടെ പള്ളിയുടെ മരം കൊണ്ട് നിര്‍മ്മിച്ച ഗോപുരം മിന്നലേറ്റ് തീ പിടിച്ചു നിലത്തു വീഴുകയായിരുന്നു.

ഫയർഫൈറ്റർമാർ വന്ന് തീ നിയന്ത്രിക്കാന്‍ ഒരുങ്ങുന്നതിനിടെ, തീപിടിച്ച ഗോപുരം അവരുടെ മുമ്പിലേക്ക് കത്തിയമര്‍ന്നു വീണു.

വിവരം ലഭിച്ചതിന്‍റെ അടിസ്ഥാനത്തില്‍ എമര്‍ജന്‍സി സര്‍വീസ്, ക്ലെയർ കൗണ്ടി ഫയർ ആൻഡ് റെസ്ക്യു എനിസ് സ്റ്റേഷനിൽ നിന്നുള്ള യൂണിറ്റുകൾ സംഭവസ്ഥലത്ത് എത്തി. പള്ളിയുടെ മറ്റു ഭാഗങ്ങളിലേക്ക് പടരുന്നതിന് മുന്‍പേ തീ നിയന്ത്രണ വിധേയമാക്കി.

സമീപ പ്രദേശത്ത് ഒരു വീട് കൂടി മിന്നലിന്റെ ആഘാതത്തില്‍ വലിയ നാശം നേരിട്ടു.അതിലെ താമസക്കാര്‍ വീട്ടില്‍ ഇല്ലായിരുന്നതിനാല്‍ വലിയ അപകടം ഒഴിവായി.

എമര്‍ജന്‍സി സര്‍വീസ് സമീപ പ്രദേശത്തെ വീട്ടിലും രക്ഷാപ്രവര്‍ത്തനം നടത്തി.

വീട്ടിലെ ഒട്ടു മിക്ക സാധനങ്ങളും തീ പിടുത്തം മൂലം നശിച്ചു പോയതായി വീട്ടിലേക്ക് തിരികെ എത്തിയ ഒരാള്‍ പറഞ്ഞു.