ഡബ്ലിനില് പുതിയൊരു സിനിമാ തിയറ്റര് കൂടി വരുന്നു. Rathfarnham-ലെ Nutgrove Shopping Centre-ല് അഞ്ച് സ്ക്രീനുകളുള്ള തിയറ്റര് ആരംഭിക്കുമെന്നാണ് തിയറ്റര് ശൃംഖലയായ Omniplex Cinemas അറിയിച്ചിരിക്കുന്നത്. തിയറ്റര് അടുത്ത വര്ഷം ആദ്യത്തോടെ പ്രവര്ത്തനമാരംഭിക്കും.
പുത്തന് സംവിധാനങ്ങളോടെയാണ് തിയറ്റര് പ്രവര്ത്തിക്കുക എന്നും അധികൃതര് അറിയിച്ചിട്ടുണ്ട്. അഞ്ച് തിയറ്ററുകളിലും 50 വീതം ‘Pullman’ രീതിയിലുള്ള സോഫകളും, ഫുട് റെസ്റ്റുകളും ആണ് ഉണ്ടാകുക. കാല് വയ്ക്കാനും, കൈകള് വയ്ക്കാനും കൂടുതല് വിസ്താരം ഇവയ്ക്ക് ഉണ്ടാകും. ബിയര്, വൈന് എന്നിവ വില്ക്കുന്ന ലോഞ്ചുകളും ഉണ്ടാകും.
ഏകദേശം 3 മില്യണ് യൂറോയാണ് തിയറ്ററിന് നിര്മ്മാണച്ചെലവ് പ്രതീക്ഷിക്കുന്നതെന്നും, 20 പേര്ക്ക് ഫുള് ടൈം, പാര്ട്ട് ടൈം ജോലികള് നല്കാന് സാധിക്കുമെന്നും Omniplex Cinemas പറഞ്ഞു.
1965-ല് The Landscape Cinema തിയറ്റര് അടച്ച ശേഷം Rathfarnham-ന് മാത്രമായി ഇതുവരെ ഒരു തിയറ്ററില്ല എന്ന വിഷമത്തിന് ഇതോടെ പരിഹാരമാകുകയാണ്.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW