മദ്യപാനികളുടെ ശ്രദ്ധക്ക് ; മദ്യപാന ദോഷങ്ങൾ കുറക്കാൻ പുതിയ ദേശീയ പദ്ധതിക്ക് തുടക്കമായി

മദ്യപാനം മൂലമുള്ള ദോഷങ്ങള്‍ കുറയ്ക്കുകയും തടയുകയും ചെയ്യുന്നതിനുള്ള പുതിയ ദേശീയ പദ്ധതിക്ക് ഇന്ന് ലെറ്റർകെന്നി, ഡോനെഗാല്‍ എന്നിവിടങ്ങളില്‍ തുടക്കമായി. ഈ പദ്ധതിക്ക് തുടക്കം കുറിക്കുന്ന ആദ്യ 12 കേന്ദ്രങ്ങളിൽ ഒന്നാമത്തേതാണ് ലെറ്റർകെന്നി.

ഇത് ഒരു കമ്മ്യൂണിറ്റി-നേതൃത്വത്തിലുള്ള സംരംഭമാണ്, നിരവധി സ്റ്റേറ്റ് ഏജൻസികളുടെ സഹായത്തോടെ ഓരോ പ്രദേശത്തും പ്രത്യേക ഇടപെടലുകൾ നടത്തും.

അടുത്ത മാസങ്ങളിൽ, ഈ പദ്ധതി ബാല്ബ്രിഗൻ, ബാലിമൺ, കനാൽ കമ്മ്യൂണിറ്റീസ് (ഡബ്ലിൻ), സെൽബ്രിഡ്ജ്, കോർക്ക്സിറ്റി, ഡ്രോഗെഡ, ലെക്സ്ലിപ്പ്, ലിസ്റ്റോവെൽ, മോണാഗാൻ, സ്ലൈഗോ, സോർഡ്സ് എന്നിവിടങ്ങളിലേക്ക് വ്യാപിപ്പിക്കും.

ഈ 12 പ്രദേശങ്ങളിലെ മൊത്തം ജനസംഖ്യ ഏകദേശം 5 ലക്ഷം ആളുകളായിരിക്കും.

ലോകാരോഗ്യ സംഘടന (WHO) രൂപീകരിച്ച ബിൽഡിംഗ് സേഫർ കമ്മ്യൂണിറ്റീസ് പദ്ധതി ഏർപ്പെടുത്തുന്ന ആദ്യ യൂറോപ്യൻ രാജ്യമാണ് അയർലണ്ട്.

ഈ പദ്ധതി ആലക്കോഹോൾ ഫോറം അയർലണ്ട്, ഐറിഷ് കമ്മ്യൂണിറ്റി ആക്ഷൻ ഓൺ ആലക്കോഹോൾ നെറ്റ്‌വർക്കും, ഏഴു പ്രാദേശിക Regional Drug and Alcohol Task Forces എന്നിവയുടെ സഹകരണത്തോടെ നടപ്പിലാക്കപ്പെടുന്നു

പദ്ധതിയുടെ സുരക്ഷിതമായ നടപ്പിലാക്കലിന്, ലോകാരോഗ്യ സംഘടന (WHO) നിർദ്ദേശിച്ച അഞ്ച് മാർഗ്ഗങ്ങളിലൂടെ 15 പ്രധാന നടപടികൾ പ്രായോഗികമാക്കും.

ഈ നടപടികളിലൊന്ന് മദ്യത്തിന്റെ ലഭ്യത കുറയ്ക്കുക, മറ്റൊന്ന് മദ്യപിച്ച് വാഹനമോടിക്കുന്നതിന് ശക്തമായ നിയമനിർമ്മാണം നടപ്പിലാക്കുക, കൂടാതെ, സ്ക്രീനിംഗ്,റഫറൽ, ചികിത്സ ഇവ ലഭ്യമാക്കുക എന്നിവയും ഉൾപ്പെടുന്നു.

ആലക്കോഹോൾ ഫോറം അയർലണ്ട്, ട്രിനിറ്റി കോളജ് ഡബ്ലിൻ സ്കൂള്‍ ഓഫ്  പോപ്പുലേഷൻ ഹെൽത്ത്ന്‍റെ സഹകരണത്തോടെ ഈ പദ്ധതിയുടെ പ്രചരണം വിശകലനം ചെയ്ത് വിലയിരുത്തുന്നതിനായി  പ്രവർത്തിക്കും.