മലയാളത്തില് ഏറ്റവുമധികം ബോക്സ് ഓഫീസ് കലക്ഷന് നേടി റെക്കോര്ഡിട്ട ‘മഞ്ഞുമ്മല് ബോയ്സ്’ ഇനി ഒടിടിയില്. ഡിസ്നി പ്ലസ് ഹോട്ട്സ്റ്റാറിലൂടെ ഇന്നുമുതല് ചിത്രം കാണാം.
ചിദംബരം സംവിധാനം ചെയ്ത മഞ്ഞുമ്മല് ബോയ്സ് ഫെബ്രുവരി 22-നാണ് തിയറ്ററിലെത്തിയത്. റിലീസ് ചെയ്ത് 74-ആം ദിവസം ഒടിടിയിലെത്തുന്നതിനിടെ 242 കോടിയിലധികമാണ് ചിത്രം കലക്ട് ചെയ്തത്. ഡബ്ബ് ചെയ്യാതിരുന്നിട്ടു പോലും തമിഴ്നാട്ടില് നിന്ന് മാത്രം 50 കോടി ചിത്രം നേടി ചരിത്രം കുറിച്ചിരുന്നു. 20 കോടി രൂപയാണ് ചിത്രത്തിന്റെ ബജറ്റ്.
എറണാകുളത്തെ മഞ്ഞുമ്മല് എന്ന ഗ്രാമത്തില് നിന്നും കൊടൈക്കനാലിലേയ്ക്ക് യാത്ര പോയ ചെറുപ്പക്കാരുടെ സംഘത്തിന്റെ യഥാര്ത്ഥ ജീവിതമാണ് മഞ്ഞുമ്മല് ബോയ്സിന് ആധാരം. കൊടൈക്കനാലിലെ ഗുണ കേവിന്റെ ആഴങ്ങളിലേയ്ക്ക് വീണുപോയ കൂട്ടുകാരനെ രക്ഷിക്കാന് മറ്റുള്ളവര് നടത്തിയ സാഹസിക ശ്രമങ്ങളും, വിജയവും വലിയ കൈയടിയാണ് നേടിയത്.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW