വാട്ടർഫോർഡ് വൈക്കിങ്സ് ബാഡ്മിന്റൺ ക്ലബ്ബിന്റെ നേതൃത്വത്തിൽ പ്രഥമ ബാഡ്മിന്റൺ ടൂർണമെൻറ് ഇന്നലെ വാട്ടർഫോർഡ് ബട്ട്ലർ കമ്മ്യൂണിറ്റി സെന്ററിൽ വെച്ചു നടത്തപ്പെട്ടു.
അയർലണ്ടിലെ പ്രശസ്ത ഭക്ഷണ ശൃംഖലയായ ഷീല പാലസ് റെസ്റ്റോറന്റിന്റെയും ടൈലക്സ് ഗ്രൂപ്പിന്റെയും സഹരണത്തോടെ നടത്തപ്പെട്ട ടൂർണമെന്റിൽ അയർലണ്ടിലെ വിവിധ കൗണ്ടികളിൽ നിന്നായി 36-ഓളം ടീമുകൾ പങ്കെടുത്തു .
ജനപങ്കാളിത്തത്താൽ അതി സമ്പന്നമായ ടൂർണമെന്റിന്റെ വിശിഷ്ടാതിഥികൾ വാട്ടർഫോർഡ് സിറ്റി കൗണ്ടി കൌൺസിൽ കൗൺസിലർ ഈമന് ക്വിൻലൻ,
വാട്ടർഫോർഡ് ബാഡ്മിന്റൺ അസോസിയേഷൻ സെക്രട്ടറി ട്രൂഡി കെന്നഡി എന്നിവർ ആയിരുന്നു.
മൂന്ന് ഗ്രേഡുകളിലായി നടത്തപ്പെട്ട മെൻസ് ഡബിൾസ് ടൂർണമെന്റിൽ E & above ഗ്രേഡിൽ തിരുഷ് – അലി (സെന്റനറി ബാഡ്മിന്റൺ ക്ലബ്) ഒന്നാം സ്ഥാനം നേടിയപ്പോൾ, കല്ലം തോമസ് – ഗവിൻ ഒ ഡൊണവൻ (ലേഡി ലൈൻ വാട്ടർഫോർഡ്) രണ്ടാം സ്ഥാനം കരസ്ഥമാക്കി.
F & G ഗ്രേഡിൽ ലിനീഷ് – ഷിന്റോ (വാട്ടർഫോർഡ് വൈക്കിങ്സ് ) ഒന്നാം സ്ഥാനം കരസ്ഥമാക്കിയപ്പോൾ ബിബിൻ ഗൗരി (വാട്ടർഫോർഡ് വൈക്കിങ്സ്)സഖ്യം രണ്ടാം സ്ഥാനം കരസ്ഥമാക്കി
H ഗ്രേഡിൽ – വിൻസ് – ബിനീഷ് (കിൽമാതോമസ് ബാഡ്മിന്റൺ ക്ലബ് ) സഖ്യം ഒന്നാം സ്ഥാനം കരസ്ഥമാക്കിയപ്പോൾ, രണ്ടാം സ്ഥാനം ദീപക് ആന്റണി – സുജിത് സുബാഷ് (G L T C ഗാൾവേ) നേടി.
ടൂർണമെന്റ് വൻ വിജയമാക്കാൻ സഹകരിച്ച ഏവർക്കും നന്ദി അറിയിക്കുന്നതായി വൈക്കിങ്സ് കമ്മിറ്റി അറിയിച്ചു.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW