ഇടിമിന്നലോടു കൂടിയ ശക്തമായ മഴ: അയർലണ്ടിലെ 20 കൗണ്ടികളിൽ യെല്ലോ വാണിങ്

ശക്തമായ കാറ്റും മഴയും കാരണം അയര്‍ലണ്ടിലെ 20 കൗണ്ടികളില്‍ യെല്ലോ തണ്ടര്‍ സ്റ്റോം വാണിങ്. മഴയ്‌ക്കൊപ്പം ഇടിമിന്നലും ശക്തമാകുമെന്ന് മുന്നറിയിപ്പുണ്ട്.

Cavan, Donegal, Monaghan, Leitrim, Roscommon, Sligo എന്നീ കൗണ്ടികളില്‍ വ്യാഴാഴ്ച രാവിലെ 7 മണി മുതല്‍ വൈകിട്ട് 5 മണി വരെയാണ് മുന്നറിയിപ്പ്. ശക്തമായ മഴ, കാറ്റ്, പ്രാദേശികമായി വെള്ളപ്പൊക്കം, ഇടിമിന്നലിനെ തുടര്‍ന്നുള്ള നാശനഷ്ടം, യാത്രാതടസ്സം എന്നിവയാണ് ഈ കൗണ്ടികളില്‍ പ്രതീക്ഷിക്കുന്നത്.

ഇതിന് പുറമെ Leinster പ്രവിശ്യയിലെ എല്ലാ കൗണ്ടികളിലും (Carlow, Dublin, Kildare, Kilkenny, Laois, Longford, Louth, Meath, Offaly, Westmeath, Wexford,Wicklow), Tipperary, Waterford എന്നീ കൗണ്ടികളിലും വ്യാഴാഴ്ച അര്‍ദ്ധരാത്രിയോടെ നിലവില്‍ വന്ന യെല്ലോ വാണിങ് ഉച്ചയ്ക്ക് 2 മണി വരെ തുടരും. ഇവിടെയും ശക്തമായ മഴ കാരണം വെള്ളപ്പൊക്കത്തിന് സാധ്യതയുണ്ട്. ഇടിമിന്നല്‍ കാരണവും നാശനഷ്ടമുണ്ടായേക്കാം. യാത്ര ചെയ്യുന്നവര്‍ ജാഗ്രത പാലിക്കുക.

നോര്‍ത്തേണ്‍ അയര്‍ലണ്ടിലെ Antrim, Armagh, Down, Fermanagh, Tyrone, Derry എന്നീ കൗണ്ടികളിലും വ്യാഴാഴ്ച രാവിലെ 6 മണി മുതല്‍ രാത്രി 9 മണി വരെ യുകെ കാലാവസ്ഥാ വകുപ്പ് അധികൃതര്‍ യെല്ലോ വാണിങ് നല്‍കിയിട്ടുണ്ട്.