ഇടിമിന്നലോടു കൂടിയ ശക്തമായ മഴ: ഡബ്ലിൻ അടക്കം വിവിധ കൗണ്ടികളിൽ യെല്ലോ വാണിങ്

ശക്തമായ ഇടിമിന്നലോചു കൂടിയ മഴയെ തുടര്‍ന്ന് അയര്‍ലണ്ടിലെ വിവിധ കൗണ്ടികളില്‍ യെല്ലോ വാണിങ്. Carlow, Kilkenny, Wexford, Cork, Tipperary, Waterford എന്നിവിടങ്ങളില്‍ ഇന്ന് (ശനി) ഉച്ചയ്ക്ക് 1.15-ന് നിലവില്‍ വന്ന വാണിങ് വൈകിട്ട് 6 മണി വരെ തുടരും. Dublin, Kildare, Meath, Wicklow എന്നീ കൗണ്ടികളില്‍ വൈകിട്ട് 4 മണിക്ക് നിലവില്‍ വന്ന വാണിങ് രാത്രി 8 മണി വരെ തുടരും.

ഈ കൗണ്ടികളില്‍ ശക്തമായ മഴ കാരണം പ്രാദേശികമായ വെള്ളപ്പൊക്കം, റോഡിലെ കാഴ്ച മറയല്‍, യാത്രാതടസം എന്നിവ ഉണ്ടാകുമെന്ന് കാലാവസ്ഥാ വകുപ്പ് മുന്നറിയിപ്പ് നല്‍കുന്നുണ്ട്.

നോര്‍ത്തേണ്‍ അയര്‍ലണ്ടിലെ Antrim, Armagh, Down എന്നീ കൗണ്ടികളിലും രാവിലെ 6 മണി മുതല്‍ വൈകിട്ട് 6 വരെ യെല്ലോ തണ്ടര്‍ സ്‌റ്റോം വാണിങ് നല്‍കിയിട്ടുണ്ട്.