ന്യൂയോർക്ക് ടൈംസിന്റെ ഏറ്റവും മികച്ച ടൂറിസ്റ്റ് ഡെസ്റ്റിനേഷൻ പട്ടികയിലേക്ക് തെരഞ്ഞെടുക്കപ്പെട്ട് വാട്ടർഫോർഡ്

ന്യൂയോര്‍ക്ക് ടൈംസിന്റെ 2024-ലെ ഏറ്റവും മികച്ച സന്ദര്‍ശനസ്ഥലങ്ങളുടെ പട്ടികയില്‍ വാട്ടര്‍ഫോര്‍ഡും. 52 പ്രദേശങ്ങളുടെ പട്ടികയില്‍ അയര്‍ലണ്ടില്‍ നിന്നുള്ള ഏക സ്ഥലവും വാട്ടര്‍ഫോര്‍ഡാണ്.

ഈയിടെ ടൂറിസം രംഗത്ത് വാട്ടര്‍ഫോര്‍ഡ് കാര്യമായ നിക്ഷേപങ്ങള്‍ നടത്തിയതിന്റെ പ്രതിഫലനമാണ് തുടര്‍ച്ചയായി ലഭിക്കുന്ന അവാര്‍ഡുകള്‍. ഒരുമാസം മുമ്പ് Conde Nast Traveller-ന്റെ ‘Best Places to Go in 2024’ പട്ടികയിലും വാട്ടര്‍ഫോര്‍ഡ് ഇടംപിടിച്ചിരുന്നു.

ചരിത്രം, പ്രകൃതി എന്നിവ ഒന്നുചേര്‍ന്ന് നില്‍ക്കുന്ന പ്രദേശമാണ് വാട്ടര്‍ഫോര്‍ഡ് എന്ന് ന്യൂയോര്‍ക്ക് ടൈംസ് വിശേഷിപ്പിക്കുന്നു. വൈക്കിങ് ട്രയാംഗിള്‍, റെജിനാള്‍ഡ്‌സ് ടവര്‍, ഐറിഷ് വേക്ക് മ്യൂസിയം, ഐറിഷ് മ്യൂസിയം ഓഫ് ടൈം എന്നിങ്ങനെയുള്ള കാഴ്ചകളും യാത്രക്കാരെ ഇവിടേയ്ക്ക് ആകര്‍ഷിക്കുന്നു.

ഇതിന് പുറമെ പര്‍വ്വതനിരകളാല്‍ സമ്പന്നമായ കോപ്പര്‍ കോസ്റ്റ്, വാട്ടര്‍ഫോര്‍ഡ് ഗ്രീന്‍വേ തുടങ്ങിയ പ്രകൃതിരമണീയമായ കാഴ്ചകളുമുണ്ട്.

ന്യൂയോര്‍ക്ക് ടൈംസിന്റെ സമ്പൂര്‍ണ്ണ പട്ടിക ഇവിടെ: https://www.nytimes.com/interactive/2024/travel/places-to-travel-destinations-2024.html