ലിമെറിക്ക് സെന്റ് ജോർജ് ഇന്ത്യൻ ഓർത്തഡോക്സ് ദേവാലയത്തിൽ ദുഃഖവെള്ളിയാഴ്ച ശുശ്രൂഷകൾ

ലിമെറിക്ക്: മലങ്കര ഓർത്തഡോക്സ് സഭയുടെ യു.കെ–യൂറോപ്പ്–ആഫ്രിക്ക ഭദ്രാസനത്തിലെ അയർലണ്ടിലെ ലിമെറിക്ക് സെന്റ് ജോർജ് ഇന്ത്യൻ ഓർത്തഡോക്സ് ദേവാലയത്തിൽ ദുഃഖവെള്ളിയാഴ്ച ശുശ്രൂഷകൾ ഭക്തിപൂർവ്വം നടന്നു. വികാരി ഫാ. അനു മാത്യുവിന്റെ നേതൃത്വത്തിലായിരുന്നു ശുശ്രൂഷകൾ. നിരവധി വിശ്വാസികൾ ചടങ്ങുകളിൽ പങ്കെടുത്തു.

ഇതിനിടെ, ഈസ്റ്റർ ശുശ്രൂഷകൾ ഏപ്രിൽ 4-ാം തീയതി ശനിയാഴ്ച ഉച്ചയ്ക്ക് 1.30-ന് ലിമെറിക്ക് സെന്റ് ഒലിവർ പ്ലങ്കറ്റ് ദേവാലയത്തിൽ നടക്കുമെന്ന് അധികൃതർ അറിയിച്ചു. ഏവരെയും കർത്തൃനാമത്തിൽ സ്വാഗതം ചെയ്യുന്നതായി ബന്ധപ്പെട്ടവർ അറിയിച്ചു.

ക്രമീകരണങ്ങൾക്ക് ട്രസ്റ്റി ശ്രീ റെനി ജോർജ്, ഇടവക സെക്രട്ടറി, മാനേജിങ് കമ്മിറ്റി അംഗങ്ങൾ എന്നിവർ നേതൃത്വം നൽകി.