ഐറിഷ് പൗരത്വ ചടങ്ങുകൾ മാറ്റിവെച്ചു.

അയർലൻഡിൽ ഏപ്രിൽ 14, 15 തീയതികളിൽ നടക്കാനിരുന്ന പൗരത്വ ചടങ്ങുകൾ (Citizenship Ceremonies) മാറ്റിവെച്ചതായി അധികൃതർ അറിയിച്ചു. രാജ്യവ്യാപകമായി ഇന്ധന വിതരണം, യാത്ര, ഗതാഗതം എന്നിവ നേരിടുന്ന കടുത്ത സമ്മർദ്ദവും തടസ്സങ്ങളും കണക്കിലെടുത്താണ് ഈ തീരുമാനം.

ഏപ്രിൽ 14 (ചൊവ്വ), 15 (ബുധൻ) തീയതികളിൽ കില്ലാർണിയിലെ ഐ.എൻ.ഇ.സി (INEC) ഹാളിൽ വെച്ച് നടക്കാനിരുന്ന പൗരത്വ സ്വീകരണ ചടങ്ങുകളാണ് അവസാന നിമിഷം മാറ്റിവെച്ചത്.

ഐറിഷ് പൗരത്വം സ്വീകരിക്കാൻ ആകാംക്ഷയോടെ കാത്തിരുന്ന ആയിരക്കണക്കിന് അപേക്ഷകരെ ഈ തീരുമാനം നിരാശയിലാഴ്ത്തിയിട്ടുണ്ട്.

ചടങ്ങുകൾ ഈ വർഷം ജൂൺ മാസത്തിലേക്ക് മാറ്റിയതായി പൗരത്വ വിഭാഗം (Citizenship Ceremony Team) അറിയിച്ചു. കൃത്യമായ തീയതികൾ പിന്നീട് ഇമെയിൽ വഴി അപേക്ഷകരെ അറിയിക്കുന്നതാണ്.

പൗരത്വ അപേക്ഷയുമായോ പ്രക്രിയയുമായോ ബന്ധപ്പെട്ട കൂടുതൽ വിവരങ്ങൾക്ക് അപേക്ഷകർക്ക് താഴെ പറയുന്ന പോർട്ടൽ സന്ദർശിക്കാവുന്നതാണ്:
www.portal.irishimmigration.ie/en/

അപേക്ഷകർ തങ്ങളുടെ ഇമെയിലുകൾ കൃത്യമായി പരിശോധിക്കണമെന്നും പുതിയ അറിയിപ്പുകൾക്കായി കാത്തിരിക്കണമെന്നും ഐറിഷ് ഇമിഗ്രേഷൻ വിഭാഗം നിർദ്ദേശിച്ചു.