അയർലൻഡിന് മുകളിലൂടെ പറക്കുന്നതിനിടെ ബ്രിട്ടീഷ് എയർവേയ്‌സ് വിമാനത്തിൽ അടിയന്തരാവസ്ഥ ഉണ്ടായതിനെ 28,000 അടി താഴേക്ക് ഇറങ്ങി.ലണ്ടനിൽ നിന്ന് ചിക്കാഗോയിലേക്ക് പോയ BA295 വിമാനമാണ് അയർലൻഡിന് മുകളിലൂടെ പറക്കുന്നതിനിടെ അതിവേഗം താഴേക്ക് ഇറങ്ങിയത് തുടർന്ന് അടിയന്തര കോഡ് 7700 പ്രഖ്യാപിച്ച് വിമാനം ലണ്ടനിലേക്ക് തിരിച്ചുവിട്ടു.
ലണ്ടൻ ഹീത്രോയിൽ നിന്ന് അമേരിക്കയിലെ ചിക്കാഗോ O’Hare വിമാനത്താവളത്തിലേക്ക് പുറപ്പെട്ട ബ്രിട്ടീഷ് എയർവേയ്‌സ് BA295 വിമാനത്തിലാണ് തിങ്കളാഴ്ച അടിയന്തര സാഹചര്യമുണ്ടായത്. അയർലൻഡിന് മുകളിലൂടെ പറക്കുന്നതിനിടെയാണ് വിമാനത്തിന്റെ ഉയരത്തിൽ പെട്ടെന്ന് വലിയ കുറവുണ്ടായത്. ഏകദേശം 37,000 അടി ഉയരത്തിൽ പറന്നുകൊണ്ടിരുന്ന Boeing 777 വിമാനം ഏതാനും മിനിറ്റുകൾക്കുള്ളിൽ ഏകദേശം 9,000 അടിയിലേക്ക് താഴ്ന്നതായി ഫ്ലൈറ്റ് ട്രാക്കിങ് വിവരങ്ങൾ വ്യക്തമാക്കുന്നു. അതായത് ഏകദേശം 28,000 അടി ഉയരമാണ് വിമാനത്തിന് നഷ്ടമായത്.
തുടർന്ന് പൈലറ്റുമാർ എയർ ട്രാഫിക് കൺട്രോളിലേക്ക് 7700 എന്ന അന്താരാഷ്ട്ര അടിയന്തര കോഡ് അയച്ചു. വിമാനത്തിൽ പൊതുവായ അടിയന്തര സാഹചര്യമുണ്ടെന്ന് എയർ ട്രാഫിക് കൺട്രോളിനെ അറിയിക്കാനാണ് ഈ കോഡ് ഉപയോഗിക്കുന്നത്. എന്നാൽ അടിയന്തരാവസ്ഥയുടെ കൃത്യമായ കാരണം ഇതുവരെ പുറത്തുവിട്ടിട്ടില്ല. അയർലൻഡിന് മുകളിലൂടെ വച്ച് യാത്ര തുടരുന്നതിന് പകരം വിമാനം ലണ്ടൻ ഹീത്രോയിലേക്ക് തിരിച്ചുവിടുകയായിരുന്നു. വിമാനത്തിന്റെ പെട്ടെന്നുള്ള ഉയരത്തകർച്ചയ്ക്ക് കാരണമെന്താണെന്നത് സംബന്ധിച്ച് ബ്രിട്ടീഷ് എയർവേയ്‌സിന്റെ ഔദ്യോഗിക വിശദീകരണം ലഭിച്ചിട്ടില്ല.
കാബിൻ പ്രഷറുമായി ബന്ധപ്പെട്ട പ്രശ്‌നമുൾപ്പെടെയുള്ള വിവിധ സാങ്കേതിക കാരണങ്ങൾ ഇത്തരം അടിയന്തര ഇറക്കത്തിന് കാരണമാകാമെങ്കിലും, ഇപ്പോഴത്തെ സംഭവത്തിൽ യഥാർത്ഥ കാരണം സ്ഥിരീകരിച്ചിട്ടില്ല. സംഭവത്തിൽ ആളപായമോ ഗുരുതര പരിക്കുകളോ ഉണ്ടായതായി നിലവിൽ റിപ്പോർട്ടില്ല.
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW
Comments