ജീവിതച്ചെലവിനു കൈത്താങ്ങായി ബജറ്റ് 2027: ഫ്യുവൽ അലവൻസ്, റെന്റ് ടാക്സ് ക്രെഡിറ്റ്‌ എന്നിവയിൽ വർദ്ധന, ഹെൽപ് ടു ബൈ തുക 35,000 യൂറോ ആക്കി; പ്രധാന പ്രഖ്യാപനങ്ങൾ അറിയാം

വർദ്ധിച്ചുവരുന്ന അനിശ്ചിതത്വങ്ങളുടെ കാലത്ത് അയർലണ്ടിലെ തൊഴിലാളികളോട് നീതി പുലർത്തുന്നതാണ് ബജറ്റ് 2027 എന്ന് സർക്കാർ. ധനമന്ത്രി സൈമൺ ഹാരിസും പബ്ലിക് എക്സ്പെൻഡിച്ചർ മന്ത്രി ജാക്ക് ചേമ്പേഴ്സും ചേർന്ന് ആകെ 8.65 ബില്യൺ യൂറോയുടെ ബജറ്റ് പാക്കേജാണ് പ്രഖ്യാപിച്ചത്. ബജറ്റ് 2027-ലെ പ്രധാന പ്രഖ്യാപനങ്ങൾ താഴെ:

ആദായനികുതിയും മറ്റ് ക്രെഡിറ്റുകളും
• ആദായനികുതി cut-off point 2,500 യൂറോ വർദ്ധിപ്പിച്ച് 46,500 യൂറോയാക്കി.
• USC 3% ബാൻഡിലേക്കുള്ള പ്രവേശന പരിധി 1,600 യൂറോ വർദ്ധിപ്പിച്ചു.
• ഹോം കെയറർ ടാക്സ് ക്രെഡിറ്റ് 100 യൂറോ വർദ്ധിപ്പിക്കും.
• തൊഴിലുടമ അടയ്ക്കേണ്ട പിആർഎസ്ഐ (Employer PRSI) ആഴ്ചയിൽ 552 യൂറോയിൽ നിന്ന് 600 യൂറോയായി ഉയർത്തി.
• എല്ലാ Inheritance Tax ഗ്രൂപ്പുകളുടെയും പരിധിയിൽ വർദ്ധനവ് വരുത്തി.
ക്ഷേമ പദ്ധതികൾ
• പ്രതിവാര സോഷ്യൽ വെൽഫെയർ നിരക്കുകളിൽ 10 യൂറോയുടെ വർദ്ധനവ്.
• ദീർഘകാല വൈകല്യ ആനുകൂല്യങ്ങൾ കൈപ്പറ്റുന്നവർക്കായി പുതിയ ‘കോസ്റ്റ് ഓഫ് ഡിസെബിലിറ്റി’ പേയ്‌മെന്റായി 500 യൂറോ.
• കെയറേഴ്‌സ് അലവൻസിനുള്ള വരുമാന പരിധി ഒറ്റയ്ക്കുള്ള ആളുകൾക്ക് 1,150 യൂറോയായും ദമ്പതികൾക്ക് 2,300 യൂറോയായും ഉയർത്തും.
• പ്രതിവാര ഫ്യുവൽ അലവൻസ് നിരക്ക് 5 യൂറോ വർദ്ധിക്കും; അതോടൊപ്പം ഒറ്റയ്ക്ക് താമസിക്കുന്ന പെൻഷൻകാരുടെ വരുമാന പരിധി ആഴ്ചയിൽ 534 യൂറോയിൽ നിന്ന് 641 യൂറോയായി ഉയരും.
• ലിവിംഗ് എലോൺ അലവൻസ് ആഴ്ചയിൽ 3 യൂറോ വർദ്ധിപ്പിക്കും.
ഭവന മേഖലയും വാടകയും
• ‘റെന്റ്-എ-റൂം’ പദ്ധതിയുടെ നികുതിയിളവ് പരിധി 14,000 യൂറോയിൽ നിന്ന് 16,000 യൂറോയായി ഉയർത്തും.
• ആദ്യമായി വീട് വാങ്ങുന്നവർക്കുള്ള ‘ഹെൽപ്പ്-ടു-ബൈ’ പദ്ധതി ആനുകൂല്യം 5,000 യൂറോ വർദ്ധിപ്പിച്ച് 35,000 യൂറോയാക്കി.
• റെന്റ് ടാക്സ് ക്രെഡിറ്റ് 150 യൂറോ വർദ്ധിപ്പിച്ച് വ്യക്തികൾക്ക് 1,159 യൂറോയായും ദമ്പതികൾക്ക് 2,300 യൂറോയായും ഉയർത്തി.
ശിശുപരിപാലനവും കുടുംബവും
• Childcare fees പ്രതിമാസം പരമാവധി 550 യൂറോയായി നിജപ്പെടുത്തും.
• 12 വയസ്സിന് താഴെയും മുകളിലുമുള്ള കുട്ടികൾക്കുള്ള പ്രതിവാര ചൈൽഡ് സപ്പോർട്ട് പേയ്‌മെന്റ് നിരക്കുകളിൽ 6 യൂറോയുടെ വർദ്ധനവ് വരുത്തി യഥാക്രമം ആഴ്ചയിൽ 64 യൂറോയും 84 യൂറോയുമാക്കി.
• വർക്കിംഗ് ഫാമിലി പേയ്‌മെന്റിന്റെ പ്രതിവാര വരുമാന പരിധി 30 യൂറോ വർദ്ധിപ്പിക്കും.
കാർബൺ നികുതിയും പരിസ്ഥിതിയും
• കുറച്ച ഇന്ധന എക്സൈസ് ഡ്യൂട്ടി 2027 ഫെബ്രുവരി 28 വരെ നീട്ടി; തുടർന്ന് 2027 ജൂൺ 30 വരെ നാല് ഘട്ടങ്ങളിലായി ഇത് പൂർവ്വസ്ഥിതിയിലാക്കും. എന്നാൽ അടുത്ത വർഷം മെയ്, ഒക്ടോബർ മാസങ്ങളിലായി രണ്ട് കാർബൺ നികുതി വർദ്ധനവുകൾ ഉണ്ടാകും.
• സർക്കാരിന്റെ കാലാവധി തീരുന്നതുവരെ മണ്ണെണ്ണയ്ക്കും പ്രകൃതിവാതകത്തിനുമുള്ള കാർബൺ നികുതി ഒരു ടൺ CO2-വിന് 48.50 യൂറോയായി കുറച്ചു.
• ഫ്യുവൽ ഇൻകം സപ്പോർട്ട് സ്കീം അഞ്ച് മാസത്തേക്ക് കൂടി നീട്ടി.
• ഇലക്ട്രിക് വാഹനങ്ങൾക്കുള്ള വെഹിക്കിൾ രജിസ്ട്രേഷൻ ടാക്സ് (VRT) ഇളവ് പദ്ധതി രണ്ട് വർഷത്തേക്ക് കൂടി നീട്ടി.
• കൂടുതൽ മലിനീകരണം ഉണ്ടാക്കുന്ന കാറുകൾക്ക് വിആർടി നിരക്കിൽ 1% വർദ്ധനവ്.
• കൂടുതൽ ആളുകളെ ആകർഷിക്കുന്നതിനായി ‘സൈക്കിൾ ടു വർക്ക്’ പദ്ധതിയും യാത്രാക്കാർക്കുള്ള ‘ടാക്സ് സേവർ’ പദ്ധതിയും പുനഃപരിശോധിക്കും.
• ബോയിലർ സ്ക്രാപ്പേജ് സ്കീം, റിട്രോഫിറ്റ് ഗ്രാന്റുകൾ എന്നിവയുൾപ്പെടെയുള്ള കാലാവസ്ഥാ സംരക്ഷണ നടപടികൾക്കായി 1.3 ബില്യൺ യൂറോ.
• പുതിയ കുടിവെള്ള, മലിനജല അടിസ്ഥാന സൗകര്യങ്ങൾക്കായി Uisce Éireann പദ്ധതിക്ക് 2.3 ബില്യൺ യൂറോ നീക്കിവെച്ചു.
സിഗരറ്റ്, മദ്യം
• 20 എണ്ണമടങ്ങിയ സിഗരറ്റ് പാക്കറ്റിന് 1 യൂറോയും ഇ-ലിക്വിഡ് ഉൽപ്പന്നങ്ങൾക്ക് 20 സെന്റും കൂടും; എന്നാൽ ഇത്തവണ മദ്യത്തിന് വില കൂട്ടിയിട്ടില്ല.
നിക്ഷേപ അക്കൗണ്ടുകൾ
• പുതിയ സേവിംഗ്സ് ആൻഡ് ഇൻവെസ്റ്റ്മെന്റ് അക്കൗണ്ടുകൾക്ക് 50,000 യൂറോ വരെ നികുതിയിളവ് ഉണ്ടായിരിക്കും; ആ പരിധിക്ക് മുകളിലുള്ള അക്കൗണ്ട് മൂല്യത്തിന് 1% ഫ്ലാറ്റ് ടാക്സ് ബാധകമായിരിക്കും.
• ഈ പദ്ധതി 2027 ജൂലൈ 1-ന് ആരംഭിക്കും; പ്രതിവർഷം പരമാവധി നിക്ഷേപം 12,000 യൂറോയായിരിക്കും, കുറഞ്ഞ നിക്ഷേപ പരിധി ഉണ്ടായിരിക്കില്ല.
വിദ്യാഭ്യാസവും ഉന്നതവിദ്യാഭ്യാസവും
• വിദ്യാർത്ഥികളുടെ കോൺട്രിബ്യൂഷൻ ഫീസിൽ 150 യൂറോയുടെ സ്ഥിരം കുറവ് വരുത്തി, കൂടാതെ സുസി (SUSI) മെയിന്റനൻസ് ഗ്രാന്റുകളിൽ 4.5% വർദ്ധനവ്.
• സ്പെഷ്യൽ എജ്യുക്കേഷൻ ആവശ്യങ്ങൾക്കായി 56 മില്യൺ യൂറോ അധികമായി അനുവദിച്ചു; ഇത് വഴി 2,339 അധിക എസ്എൻഎമാരെയും (SNAs) 1,353 അധ്യാപകരെയും നിയമിക്കും.
ആരോഗ്യവും ഭിന്നശേഷിയും
• നാഷണൽ മെറ്റേണിറ്റി ഹോസ്പിറ്റൽ മാറ്റിസ്ഥാപിക്കുന്നത് ഉൾപ്പെടെയുള്ള ആരോഗ്യ അടിസ്ഥാന സൗകര്യ പദ്ധതികൾക്കായി 1.7 ബില്യൺ യൂറോ അനുവദിച്ചു.
• സൗജന്യ ഗർഭനിരോധന പദ്ധതികൾ ഇനി 37 വയസ്സ് വരെയുള്ള ആളുകൾക്ക് ലഭ്യമാകും.
• പുരുഷന്മാർ, യുവാക്കൾ, എൽജിബിടിക്യു+ സമൂഹം എന്നിവർക്ക് സൗജന്യ കൗൺസിലിംഗിനായി 33,000 അധിക മണിക്കൂറുകൾ അനുവദിച്ചു.
ഗതാഗതം
• DART, BusConnects, കോർക്ക് കമ്മ്യൂട്ടർ റെയിൽ പദ്ധതികൾ, Adare Bypass, Galway Ring Road തുടങ്ങിയ പദ്ധതികളിലെ നിക്ഷേപങ്ങൾക്കായി 4.2 ബില്യൺ യൂറോ.
• 2027 മുതൽ 2030 വരെയുള്ള കാലയളവിലേക്ക് മെട്രോലിങ്കിനായി 6 ബില്യൺ യൂറോ അനുവദിച്ചു.
കൃഷിയും ഗ്രാമവും
• ഗ്രാമീണ പബ്ബുകളെ സഹായിക്കുന്നതിനായി 15 മില്യൺ യൂറോ
• കാർഷിക സുരക്ഷാ ഉപകരണങ്ങൾക്കുള്ള വെയർ ആൻഡ് ടിയർ അലവൻസ് മൂന്ന് വർഷത്തേക്ക് നീട്ടി.
• കർഷകർക്കുള്ള ഇന്ധന വരുമാന പിന്തുണ നീട്ടിയതിനൊപ്പം പുതിയ വളം പദ്ധതിക്കായി 31 മില്യൺ യൂറോ അധികമായി അനുവദിച്ചു.
ബിസിനസ്
• രാജ്യത്തിന്റെ കോർപ്പറേഷൻ നികുതി വ്യവസ്ഥയിൽ ഭേദഗതികൾ വരുത്തി.
• ചെറുകിട ബിസിനസുകൾക്കുള്ള ക്യാപിറ്റൽ ഗെയിൻസ് ടാക്സ് സ്റ്റാൻഡേർഡ് നിരക്ക് 33 ശതമാനത്തിൽ നിന്ന് 31 ശതമാനമായി കുറച്ചു.
• ബാങ്ക് ലെവി 200 മില്യൺ യൂറോ ലക്ഷ്യമിട്ട് ഒരു വർഷത്തേക്ക് കൂടി നീട്ടി.
• ഐറിഷ് കമ്പനികളുടെ വളർച്ചയെ പിന്തുണയ്ക്കുന്നതിനായി അയർലണ്ട് സ്ട്രാറ്റജിക് ഇൻവെസ്റ്റ്മെന്റ് ഫണ്ട് 1 ബില്യൺ യൂറോയുടെ നിക്ഷേപ പരിപാടി ആരംഭിക്കുന്നു.
ഗാർഡയും പ്രതിരോധ സേനയും
• പ്രതിരോധ സേനയിലേക്ക് പുതുതായി 850 സ്ഥിരം അംഗങ്ങളെ എടുക്കുന്നതിനുള്ള ധനസഹായം.
• അടുത്ത വർഷം ഗാർഡ സേനയിലെ അംഗങ്ങളുടെ എണ്ണം 15,000-ൽ എത്തിക്കുക എന്ന ലക്ഷ്യത്തോടെ 1,000 ട്രെയിനി ഗാർഡമാരെ റിക്രൂട്ട് ചെയ്യുന്നതിനുള്ള ഫണ്ട്.
കായികം
• ലീഗ് ഓഫ് അയർലണ്ട് ഫുട്ബോൾ അക്കാദമികൾക്ക് 4 മില്യൺ യൂറോ ധനസഹായം.
• ഗെയ്ലിക് പ്ലെയേഴ്സ് അസോസിയേഷനുള്ള ധനസഹായത്തിൽ 1 ദശലക്ഷം യൂറോ വർദ്ധനവ്.
• ലോസ് ആഞ്ചലസ് ഒളിമ്പിക്സിനായുള്ള ഒരുക്കത്തിൽ മികച്ച പ്രകടനം ഉറപ്പാക്കാൻ അധിക പിന്തുണ.
• 2027-ലെ റൈഡർ കപ്പിനും യൂറോ 2028-ന്റെ തയ്യാറെടുപ്പുകൾക്കും ആതിഥേയത്വം വഹിക്കുന്ന അയർലണ്ടിനെ പിന്തുണയ്ക്കാൻ ഏകദേശം 22 മില്യൺ യൂറോ ചെലവഴിക്കും.