ഡബ്ലിനിലെ ചാരിറ്റബിൾ സംഘടനയുമായി ബന്ധപ്പെട്ട പണം വെളുപ്പിക്കൽ അന്വേഷണത്തിന്റെ ഭാഗമായി രണ്ട് BMW X5 കാറുകളും റോളക്സ് വാച്ചുകൾ, ലൂയി വിറ്റൺ ബാഗുകൾ, ആഭരണങ്ങൾ എന്നിവയുൾപ്പെടെയുള്ള വിലപിടിപ്പുള്ള വസ്തുക്കൾ ഗാർഡ പിടിച്ചെടുത്തു. പിടിച്ചെടുത്ത രണ്ട് കാറുകൾക്കും കൂടി ഏകദേശം 2.5 ലക്ഷം യൂറോയും ആഭരണങ്ങൾക്കും മറ്റ് വിലപിടിപ്പുള്ള വസ്തുക്കൾക്കും ഏകദേശം 40,000 യൂറോയുമാണ് കണക്കാക്കിയിരിക്കുന്നത്.
ഡബ്ലിൻ ആസ്ഥാനമായി പ്രവർത്തിക്കുന്ന ഒരു ചാരിറ്റബിൾ സംഘടനയെക്കുറിച്ച് ഗാർഡയുടെ നാഷണൽ ഇക്കണോമിക് ക്രൈം ബ്യൂറോയിലെ മണി ലോണ്ടറിങ് അന്വേഷണ വിഭാഗമാണ് അന്വേഷണം നടത്തുന്നത്. ഇതിന്റെ ഭാഗമായി ചൊവ്വ, ബുധൻ ദിവസങ്ങളിൽ ഡബ്ലിനിലും അയർലൻഡിന്റെ വിവിധ കൗണ്ടികളിൽ വിവിധ സ്ഥലങ്ങളിൽ പരിശോധനകൾ നടത്തി.പരിശോധനയ്ക്കിടെ രണ്ട് BMW X5 കാറുകൾക്കു പുറമെ ലൂയി വിറ്റൺ ബാഗുകൾ, റോളക്സ് വാച്ചുകൾ, ആഭരണങ്ങൾ എന്നിവയും മറ്റ് വിലപിടിപ്പുള്ള വസ്തുക്കളും പിടിച്ചെടുത്തതായി ഗാർഡ അറിയിച്ചു.
ചാരിറ്റീസ് റെഗുലേറ്ററുടെ ഓഫീസുമായി സഹകരിച്ചാണ് അന്വേഷണം മുന്നോട്ടുപോകുന്നത്. ബന്ധപ്പെട്ട ചാരിറ്റിയുടെ ട്രസ്റ്റികളുമായി റെഗുലേറ്റർ അധികൃതർ ആശയവിനിമയം നടത്തുന്നുണ്ടെന്നും സ്ഥിരീകരിച്ചിട്ടുണ്ട്. എന്നാൽ അന്വേഷണം തുടരുന്നതിനാൽ സംഘടനയുടെ പേര് പുറത്തുവിട്ടിട്ടില്ല
പണം വെളുപ്പിക്കൽ സംബന്ധിച്ച സംശയങ്ങളുടെ പശ്ചാത്തലത്തിലാണ് പരിശോധനകളും വസ്തുക്കൾ പിടിച്ചെടുക്കലും നടന്നത്. അന്വേഷണത്തിന്റെ തുടർനടപടികൾക്കായി ഗാർഡ കൂടുതൽ പരിശോധനകൾ നടത്തിവരികയാണ്.
For more news please join our whatsapp group
https://chat.whatsapp.com/EYff5ESLNtXIDOjtNZ27LS?s=cl&p=a&mlu=4&ilr=4
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW
Comments