വാട്ടർഫോർഡ് ടൈഗേഴ്സ് എഫ്‌സിയുടെ ആഭിമുഖ്യത്തിൽ സംഘടിപ്പിക്കുന്ന ഓൾ അയർലൻഡ് സെവൻസ് ഫുട്ബോൾ ടൂർണമെന്റ് ഇന്ന് (ഒക്ടോബർ 24, ശനിയാഴ്ച) വാട്ടർഫോർഡിലെ ബാലിഗണ്ണർ GAA ഗ്രൗണ്ടിൽ നടക്കും. കായിക ആവേശത്തിനൊപ്പം മലയാളി സമൂഹത്തിന്റെ ഒത്തുചേരലിനും വേദിയാകുന്ന ടൂർണമെന്റിൽ വിവിധ ടീമുകൾ മാറ്റുരയ്ക്കും.
വിവിധ ഭാഗങ്ങളിൽ നിന്നുള്ള നിരവധി ടീമുകൾ ഇന്ന് നടക്കുന്ന ടൂർണമെന്റിൽ മാറ്റുരയ്ക്കും.ടൂർണമെന്റിന്റെ ഭാഗമായി കാണികൾക്കും കുടുംബങ്ങൾക്കും കൂടുതൽ ആവേശം പകരാൻ SBS ക്യാറ്ററിങ്ങിന്റെ ഫുഡ് സ്റ്റാളും ഒരുക്കുന്നുണ്ട്. മത്സരങ്ങൾ ആസ്വദിക്കുന്നതിനൊപ്പം ഭക്ഷണവും സൗഹൃദവും പങ്കുവെച്ച് ഒരു ഉത്സവാന്തരീക്ഷം സൃഷ്ടിക്കുകയാണ് സംഘാടകരുടെ ലക്ഷ്യം.
വാട്ടർഫോർഡ് ടൈഗേഴ്സ് എഫ്‌സിയുടെ നേതൃത്വത്തിൽ നടക്കുന്ന ടൂർണമെന്റിന് വിവിധ സ്ഥാപനങ്ങളുടെയും ബിസിനസ് സംരംഭങ്ങളുടെയും പിന്തുണയുണ്ട്. എഡ്വേർഡ് നോളൻ, മാറ്റ് ആൻഡ് ഗ്ലോസി ടൈൽസ്, ഫീച്ചർ ഫിറ്റ്, ബ്ലൈൻഡ്സ് വേൾഡ് ആൻഡ് ഡെക്കർ, ഷെറിഡൻ ട്രോഫീസ് ആൻഡ് അവാർഡ്സ് എന്നിവരാണ് പ്രധാന സ്പോൺസർമാർ. ചിക്ക് ചക്ക്, ഗ്രീൻ ചില്ലി, ഡെയ്ലി ഡിലൈറ്റ്സ്, മയിൽ എന്നിവരും വ്യക്തിഗത അവാർഡ് സ്പോൺസർമാരായി പിന്തുണ നൽകുന്നു.
കായിക മത്സരങ്ങൾക്കപ്പുറം വാട്ടർഫോർഡിലെ മലയാളി സമൂഹത്തിന്റെ കൂട്ടായ്മയും സൗഹൃദവും ശക്തിപ്പെടുത്തുന്ന വേദിയായി ടൂർണമെന്റ് മാറുമെന്നാണ് പ്രതീക്ഷ. ഒരു പതിറ്റാണ്ടായി നടന്നുവരുന്ന ടൂർണമെന്റിൽ കുടുംബാംഗങ്ങൾക്കും സുഹൃത്തുക്കൾക്കും ഒത്തുചേർന്ന് മത്സരങ്ങൾ ആസ്വദിക്കാനും ടീമുകൾക്ക് പിന്തുണ നൽകാനും സംഘാടകർ ക്ഷണിക്കുന്നു.
For more news please join our whatsapp group
https://chat.whatsapp.com/EYff5ESLNtXIDOjtNZ27LS?s=cl&p=a&mlu=4&ilr=4
Rose Malayalam Updates
അയർലണ്ട് വാർത്തകൾ ഉടൻ ലഭിക്കുവാൻ ഞങ്ങളുടെ വാട്സാപ്പ് ഗ്രൂപ്പിൽ അംഗമാകൂ.
JOIN GROUP NOW
Comments