ബെല്‍ഫാസ്റ്റില്‍ പൊലീസ് കസ്റ്റഡിയില്‍ നിന്നും രക്ഷപ്പെട്ട കൊലപാതകക്കേസ് പ്രതി David McCord-നെ പിടികൂടി. 26 വയസുള്ള Nichola Dickson-നെ കൊലപ്പെടുത്തിയ കേസില്‍ 2004-ല്‍ കോടതി ഇയാളെ ജീവപര്യന്തം തടവിന് ശിക്ഷിച്ചിരുന്നു.
വെള്ളിയാഴ്ച ജയില്‍ ജീവനക്കാരെ വെട്ടിച്ച് ബെല്‍ഫാസ്റ്റിലെ Crumlin Road പ്രദേശത്ത് നിന്നും 54-കാരനായ David McCord രക്ഷപ്പെടുകയായിരുന്നു. ഇയാള്‍ക്ക് താല്‍ക്കാലികമായി ജയിലിന് പുറത്ത് താമസിക്കാനുള്ള ലൈസന്‍സ് അനുവദിച്ചിരിക്കെയായിരുന്നു സംഭവം.
തുടര്‍ന്ന് പൊലീസ് നടത്തിയ ശക്തമായ തിരച്ചിലില്‍ ഞായറാഴ്ച ബെല്‍ഫാസ്റ്റില്‍ വച്ച് തന്നെ ഇയാളെ പിടികൂടി. ഇയാളെ തിരികെ ജയിലില്‍ പ്രവേശിപ്പിച്ചതായി പൊലീസ് അറിയിച്ചു.
