അയർലണ്ടിൽ പൊതുതെരഞ്ഞെടുപ്പ് പ്രഖ്യാപിച്ചു; വോട്ട് ചെയ്യാൻ എങ്ങനെ രജിസ്റ്റർ ചെയ്യാം?

അയര്‍ലണ്ടില്‍ ഈ വരുന്ന നവംബര്‍ 29-ന് പൊതുതെരഞ്ഞെടുപ്പ് പ്രഖ്യാപിക്കപ്പെട്ടിരിക്കുകയാണ്. ഭരണമാറ്റമോ, അതോ ഭരണത്തുടര്‍ച്ചയോ എന്ന് കൃത്യമായി പറയാന്‍ സാധിക്കാത്ത വിധത്തിലാണ് ഇത്തവണത്തെ തെരഞ്ഞെടുപ്പ് എത്തുന്നത്.

ഇതിന്റെ ഭാഗമായി വോട്ടര്‍മാര്‍ക്ക് വോട്ടര്‍ പട്ടികയില്‍ പേര് ചേര്‍ക്കാനുള്ള തീയതിയും അധികൃതര്‍ പ്രഖ്യാപിച്ചിരിക്കുകയാണ്. നിങ്ങള്‍ക്ക് ഈ തെരഞ്ഞെടുപ്പില്‍ വോട്ട് രേഖപ്പെടുത്താന്‍ അവകാശമുണ്ടോ എന്ന് അറിയാനും, രജിസ്റ്റര്‍ ചെയ്യാനുമായി സന്ദര്‍ശിക്കുക: http://voter.ie/

നേരത്തെ രജിസ്റ്റര്‍ ചെയ്തവര്‍ വിവരങ്ങള്‍ കാണാനും, പേര്, വിലാസം മുതലായവ തിരുത്താനും സന്ദര്‍ശിക്കുക: https://checktheregister.ie/

രജിസ്‌ട്രേഷനായി PPS നമ്പറും, എയര്‍കോഡും മാത്രമാണ് ആവശ്യം.

നവംബര്‍ 12 ചൊവ്വാഴ്ച വൈകിട്ട് 5 മണിക്ക് മുമ്പായി രജിസ്റ്റര്‍ ചെയ്താല്‍ മാത്രമേ വോട്ടവകാശം വിനിയോഗിക്കാന്‍ സാധിക്കുകയുള്ളൂ.

പോസ്റ്റല്‍ വോട്ടുകള്‍ക്ക് രജിസ്റ്റര്‍ ചെയ്യാനുള്ള അവസാന ദിവസം നവംബര്‍ 10 (നാളെ) ആണ്.

ആര്‍ക്കൊക്കെ വോട്ട് ചെയ്യാം?

• 18 വയസ് തികഞ്ഞവര്‍
• ഐറിഷ് അല്ലെങ്കില്‍ ബ്രിട്ടീഷ് പൗരന്മാര്‍
• അയര്‍ലണ്ടില്‍ താമസിക്കാന്‍ അനുമതി ഉള്ളവര്‍
• തെരഞ്ഞെടുപ്പ് പട്ടികയില്‍ രജിസ്റ്റര്‍ ചെയ്തിട്ടുള്ളവര്‍