ബ്ലാർണിയിലെ ഹൗസിംഗ് പ്രശ്നങ്ങൾക്ക് പരിഹാരമാകാൻ സഹായിക്കുന്ന 246 പുതിയ വീടുകളുടെ നിർമ്മാണത്തിന് കോർക്കു സിറ്റി കൗൺസിൽ അംഗീകാരം നൽകി. ബ്ലാർണിയിലെ റിംഗ്‌വുഡിൽ നിർമിക്കുന്ന ഈ വികസനം വലിയ ഒരു ഹൗസിംഗ് പദ്ധതിയുടെ ആദ്യ ഘട്ടമാണെന്ന് റിപ്പോർട്ടുകൾ സൂചിപ്പിക്കുന്നു.
ക്ലോക്ക്‌സ്ട്രൈക്ക് ലിമിറ്റഡ് ജൂണിൽ സമർപ്പിച്ച പദ്ധതി 101 അപ്പാർട്ട്മെന്റുകൾ അടങ്ങുന്ന നാലുനില കെട്ടിടങ്ങൾ ഉൾക്കൊള്ളുന്നു. ഇവയിൽ ഒരു ബെഡ്‌റൂമും രണ്ട് ബെഡ്‌റൂമും ഉള്ള യൂണിറ്റുകൾ സമന്വയിപ്പിച്ചിട്ടുണ്ട്. കൂടാതെ, 30 ഡ്യൂപ്ലക്‌സ് വീടുകളും 115 വീടുകളും പദ്ധതിയുടെ ഭാഗമാണ്.
ഇത് അടുത്ത കാലത്ത് ബ്ലാർണിയിലുണ്ടായ ഏറ്റവും വലിയ ഭവനവികസന പദ്ധതിയാണെന്ന് കരുതപ്പെടുന്നു. കോർക്കിലെ ഭവന പ്രതിസന്ധിക്ക് പരിഹാരം കാണാൻ ഈ പദ്ധതി സഹായകരമാകും. നിർമാണം അടുത്ത മാസങ്ങളിൽ തന്നെ ആരംഭിക്കുമെന്നാണ് പ്രതീക്ഷ.
അയര്‍ലണ്ടിലെ ഭവനലഭ്യത വർധിപ്പിക്കാൻ ലക്ഷ്യമിടുന്ന രാജ്യത്തിൻറെ വിപുലമായ ശ്രമങ്ങൾക്ക് ഈ പദ്ധതി വലിയ പ്രോത്സാഹനം നൽകും.
