നോര്‍ത്തേണ്‍ അയര്‍ലണ്ടിലെ Co Antrim-ല്‍ സര്‍വീസ് സ്‌റ്റേഷനില്‍ നിന്നും എടിഎം മെഷീന്‍ മോഷണം പോയി. Greenisland-ലെ Upper Road- പ്രദേശത്തുള്ള ഒരു കടയിലെ ചുമരില്‍ ഘടിപ്പിച്ചിരുന്ന മെഷീനാണ് വ്യാഴാഴ്ച പുലര്‍ച്ചെ 1.30-ഓടെ മോഷണം ചെയ്തത്.
സംഭവത്തില്‍ അന്വേഷണം നടക്കുകയാണെന്നറിയിച്ച നോര്‍ത്തേണ്‍ അയര്‍ലണ്ട് പൊലീസ്, ഇതെപ്പറ്റി എന്തെങ്കിലും വിവരമുള്ളവര്‍ തങ്ങളെ ബന്ധപ്പെടണമെന്നും അഭ്യര്‍ത്ഥിച്ചു. 26-06-2025 തീയതിയില്‍ പ്രദേശത്ത് സംശയകരമായി എന്തെങ്കിലും കണ്ടവരോ, മോഷണത്തിന്റെയോ, മോഷ്ടാവിന്റെയോ ദൃശ്യങ്ങള്‍ പതിഞ്ഞ സിസിടിവി, ഡാഷ് ക്യാമറ ഫൂട്ടേജുകള്‍ കൈയിലുള്ളവരോ, 101 എന്ന നമ്പറില്‍ പൊലീസുമായി ബന്ധപ്പെടണം.
