അയര്‍ലണ്ടില്‍ പ്രായമായവര്‍ക്കായുള്ള 10 നഴ്‌സിങ് ഹോമുകള്‍ മാനദണ്ഡങ്ങള്‍ അനുസരിച്ചില്ല പ്രവര്‍ത്തിക്കുന്നത് എന്ന കണ്ടെത്തലുമായി Health Information and Quality Authority (Hiqa). Co Laois-ല്‍ HSE-യുടെ കീഴില്‍ പ്രവര്‍ത്തിക്കുന്ന കേന്ദ്രം അടക്കമാണിത്.
ഈ വര്‍ഷം വേനല്‍ക്കാലത്ത് 46 പരിശോധനകളാണ് Hiqa നടത്തിയത്. മിക്ക കേന്ദ്രങ്ങളും നിലവാരം സൂക്ഷിക്കുന്നതായാണ് മനസിലായത്. 13 സെന്ററുകളിലാണ് പ്രശ്‌നങ്ങള്‍ ഉള്ളതായി ബോധ്യപ്പെട്ടത്.
HSE-ക്ക് കീഴിലുള്ള ഒരു കേന്ദ്രത്തില്‍ തീ നിയന്ത്രണവിധേയമാക്കാനുള്ള സംവിധാനം ഇല്ലായിരുന്നുവെന്നും റിപ്പോര്‍ട്ട് പറയുന്നു. Co Tipperary-യിലെ സ്വകാര്യ ഉടമസ്ഥതയിലുള്ള കേന്ദ്രത്തില്‍ അന്തേവാസികള്‍ക്ക് ആവശ്യമായ സൗകര്യങ്ങളും ലഭിക്കുന്നില്ല.
പ്രശ്‌നങ്ങള്‍ കണ്ടെത്തിയ സ്ഥലങ്ങളില്‍ വേണ്ട പരിഹാരങ്ങള്‍ ചെയ്യാന്‍ നിര്‍ദ്ദേശം നല്‍കിയതായും, ജീവനക്കാര്‍ക്ക് ആവശ്യമായ പരിശീലനം നല്‍കാന്‍ നിര്‍ദ്ദേശിച്ചതായും Hiqa അറിയിച്ചു.
