അയര്‍ലണ്ടിലെ ഭവനവില സെപ്റ്റംബര്‍ വരെയുള്ള ഒരു വര്‍ഷത്തിനിടെ 7.6% ഉയര്‍ന്നതായി Central Statistics Office (CSO). ഓഗസ്റ്റ് വരെയുള്ള ഒരു വര്‍ഷത്തിനിടെ ഇത് 7.5% ആയിരുന്നു.
ഡബ്ലിനിലെ കാര്യം മാത്രം എടുത്താല്‍ ഒരു വര്‍ഷത്തിനിടെയുള്ള വര്‍ദ്ധന 5.3% ആണ്. എന്നാല്‍ ഡബ്ലിന് പുറത്ത് ഇത് 9.4% എന്ന ഉയര്‍ന്ന നിലയിലാണെന്നും റിപ്പോര്‍ട്ട് വ്യക്തമാക്കുന്നു.
രാജ്യത്ത് വീടിന് ഏറ്റവും ഉയര്‍ന്ന ശരാശരി വിലയുള്ള പ്രദേശം പതിവുപോലെ Dún Laoghaire-Rathdown ആണ്- വില ശരാശരി 675,000 യൂറോ. മറുവശത്ത് ഏറ്റവും കുറഞ്ഞ ശരാശരി വിലയുളിള പ്രദേശം Donegal-മാണ്- ശരാശരി വില 190,000 യൂറോ.
