അയര്ലണ്ടില് വിവിധ കുറ്റകൃത്യങ്ങളില് ഉള്പ്പെട്ട 33 പേരെ നാടുകടത്തി Garda National Immigration Bureau. 31 പുരുഷന്മാരെയും, രണ്ട് സ്ത്രീകളെയുമാണ് പ്രത്യേക വിമാനത്തില് സ്വരാജ്യങ്ങളായ ലിത്വാനിയ, പോളണ്ട് എന്നിവിടങ്ങളിലേയ്ക്ക് ഞായറാഴ്ച നാടുകടത്തിയതെന്ന് അധികൃതര് അറിയിച്ചു. ഇവര് എല്ലാവരും കോടതി ശിക്ഷിച്ച് കസ്റ്റഡി തടങ്കല് അനുഭവിച്ച് വരുന്നവരായിരുന്നു.
ലൈംഗിക കുറ്റം, ഗാര്ഹിക പീഢനം, മയക്കുമരുന്നുമായി ബന്ധപ്പെട്ട കുറ്റകൃത്യങ്ങള്, കൊള്ള, ഗതാഗത നിയമലംഘനങ്ങള് തുടങ്ങിയവയില് ഉള്പ്പെട്ടവരാണിവര്. യൂറോപ്യന് യൂണിയന് നിയമപ്രകാരം, സമൂഹത്തിന് ഭീഷണി എന്ന് വ്യക്തമായാല് ഇത്തരം കുറ്റവാളികളെ നാടുകടത്താവുന്നതാണ്. നിലവില് നാടുകടത്തപ്പെട്ടവരില് 17 പേര് പോളണ്ടില് നിന്നുള്ളവരും, 16 പേര് ലിത്വാനിയയില് നിന്നുള്ളവരുമാണ്. ഇവര്ക്ക് 10 വര്ഷത്തേയ്ക്ക് അയര്ലണ്ടിലേയ്ക്ക് തിരികെ പ്രവേശിക്കുന്നതിന് വിലക്കുമുണ്ട്.
