നിയമസഭാ തെരഞ്ഞെടുപ്പ് അടുത്തിരിക്കെ അവതരിപ്പിച്ച രണ്ടാം പിണറായി സർക്കാരിന്റെ അവസാന ബജറ്റിൽ സകല മേഖലകൾക്കും ഫണ്ട് നീക്കിവച്ച് ധനമന്ത്രി കെ. എൻ ബാലഗോപാൽ. ഈ സർക്കാരിന്റെ ആറാം ബജറ്റും, കേരളത്തിന്റെ ചരിത്രത്തിലെ ദൈര്ഘ്യമേറിയ നാലാമത്തെ ബജറ്റുമാണിത്.
ബജറ്റിലെ പ്രധാന പ്രഖ്യാപനങ്ങൾ ഒറ്റനോട്ടത്തിൽ:
ആരോഗ്യം
– മെഡിക്കല് കോളജ് വഴിയുള്ള കാന്സര് ചികിത്സയ്ക്ക് 30 കോടി
– ജില്ലാ ആശുപത്രികളില് MENOPAUSE ക്ലിനിക്കുകള് സ്ഥാപിക്കാന് 3 കോടി
– റോഡപകടത്തില്പ്പെടുന്നവര്ക്കായി ലൈഫ് സേവര് പദ്ധതി. ആദ്യത്തെ 5 ദിവസം പണരഹിത ചികിത്സ.
– അപൂര്വ്വയിനം രോഗങ്ങള്ക്കുള്ള ചികിത്സാ പദ്ധതിയായ KARE-ല് സ്പൈനല് മസ്കുലാര് അട്രോഫി രോഗത്തിന് മരുന്ന് ലഭ്യമാക്കാന് 30 കോടി.
– കാന്സര്, ലെപ്രസി, ക്ഷയം, എയ്ഡ്സ് രോഗബാധിതരുടെ പ്രതിമാസ പെന്ഷന് ആയിരത്തില് നിന്ന് 2000 രൂപയായി ഉയര്ത്തി
– റോഡപകടങ്ങളില്പ്പെട്ട് ചികിത്സയില് കഴിയുന്നവര്ക്ക് ആദ്യ അഞ്ച് ദിവസം സൗജന്യ ചികിത്സ
– സര്ക്കാര് ജോലിയില് നിന്ന് വിരമിച്ചവര്ക്ക് മെഡിസെപ് മാതൃകയില് പുതിയ മെഡിക്കല് ഇന്ഷുറന്സ് പദ്ധതി
– സര്ക്കാര് ജീവനക്കാര്ക്കുള്ള ആരോഗ്യ ഇന്ഷുറന്സ് പദ്ധതിയായ മെഡിസെപിന്റെ രണ്ടാം ഘട്ടമായ മെഡിസെപ് 2.0 ഫെബ്രുവരി ഒന്നുമുതല്
സാമൂഹിക പദ്ധതികൾ
-വയനാട് ദുരന്തബാധിതര്ക്ക് ആദ്യ ബാച്ച് വീട് അടുത്ത മാസം ആദ്യ വാരം നല്കും
– ലൈഫ് പദ്ധതിക്ക് 1498 കോടി രൂപ വകയിരുത്തി
– എംഎന് ലക്ഷം വീട് പദ്ധതിക്കായി 10 കോടി
– കുടുംബശ്രീ ഉല്പ്പന്നങ്ങളുടെ പ്രചാരണവും വിതരണവും ലക്ഷ്യമിട്ട് മാര്ക്കറ്റിംഗ് വിതരണ ശൃംഖലയ്ക്ക് 22.27 കോടി.
– കേരളത്തിലെ എല്ലാ പൗരന്മാര്ക്കും നേറ്റിവിറ്റി കാര്ഡ് നല്കുന്ന പദ്ധതിയ്ക്ക് 20 കോടി
– പഴയ പെട്രോള്, ഡീസല് ഓട്ടോറിക്ഷകള് പൊളിച്ച് ഇലക്ട്രിക് ഓട്ടോകള് വാങ്ങുന്നവര്ക്ക് ഒറ്റത്തവണ സ്ക്രാപ്പേജ് ബോണസ് 40,000 രൂപ.
– ഇലക്ട്രിക് ഓട്ടോറിക്ഷകള് വാങ്ങുന്നതിനായുള്ള വായ്പകള്ക്ക് 2% പലിശയിളവ്
– ഓട്ടോ സ്റ്റാന്ഡുകളില് സോളാര് അധിഷ്ഠിത ചാര്ജിംഗ് യൂണിറ്റുകള് സ്ഥാപിക്കാന് 20 കോടി.
– തൊഴിലുറപ്പ് പദ്ധതിയ്ക്കായി മുന്വര്ഷത്തില് നിന്നും അധികമായി 1000 കോടി.
– റിട്ടയര്മെന്റ് ഹോമുകള് സജ്ജമാക്കാന് സംഘടനകള്ക്കും ഗ്രൂപ്പുകള്ക്കും സ്വകാര്യ വ്യക്തികള്ക്കും സര്ക്കാര് സബ്സിഡി. ഇതിനായി 30 കോടി.
– വീടുകളില് ഒറ്റപ്പെട്ടുപോകുന്ന മുതിര്ന്ന വ്യക്തികള്ക്ക് ഓണ് കോള് വോളന്റിയര്മാരുടെ സേവനം ലഭ്യമാക്കും. ഇതിനായി 10 കോടി.
പൊതുവിദ്യാഭ്യാസത്തിന് നീക്കിവെച്ചത് 1128 കോടി രൂപ
വേതന, പെൻഷൻ വർദ്ധന
– പത്രപ്രവര്ത്തക പെന്ഷന് 1500 രൂപ വര്ധിപ്പിച്ചു
– അങ്കണവാടി വര്ക്കര്മാരുടെ പ്രതിമാസ വേതനം 1000 രൂപ ഉയര്ത്തി
– അങ്കണവാടി ഹെല്പ്പര്മാരുടെ പ്രതിമാസ വേതനം 500 രൂപ ഉയര്ത്തി
– ആശ വര്ക്കര്മാരുടെ പ്രതിമാസ വേതനം 1000 രൂപ ഉയര്ത്തി
– പ്രീ-പ്രൈമറി അധ്യാപകരുടെ പ്രതിമാസ വേതനം 1000 രൂപ ഉയര്ത്തി
– സ്കൂള് പാചക തൊഴിലാളികളുടെ പ്രതിദിന വേതനത്തില് 25 രൂപ വര്ധിപ്പിച്ചു.
– സാക്ഷരതാ പ്രേരക്മാരുടെ പ്രതിമാസ വേതനം 1000 രൂപ ഉയര്ത്തി
– കരാര്/ദിവസവേതന ജീവനക്കാരുടെ പ്രതിദന വേതനത്തില് 5 ശതമാനം വര്ധനവ് വരുത്തി
– ലൈബ്രേറിയന്മാരുടെ പ്രതിമാസ അലവന്സില് 1000 രൂപ വര്ധിപ്പിച്ചു
– പഞ്ചായത്ത് മെമ്പര്മാര്, കൗണ്സിലര്മാര് എന്നിവരുടെ ഓണറേറിയം വര്ധിപ്പിക്കും
– 12th Pay Revision കമ്മീഷന് പ്രഖ്യാപിച്ചു. 3 മാസത്തിനകം റിപ്പോര്ട്ട് വാങ്ങി സമയബന്ധിതമായി നടപ്പാക്കും.
– സര്ക്കാര് ജീവനക്കാരുടെയും പെന്ഷന്കാരുടെയും അവശേഷിക്കുന്ന DA, DR ഗഡുക്കള് പൂര്ണ്ണമായും നല്കും.
– ഒരു ഗഡു ഡി.എ ഫെബ്രുവരി മാസത്തെ ശമ്പളത്തോടൊപ്പം
– അവശേഷിക്കുന്ന ഡി.എ, ഡി.ആര് ഗഡുക്കള് മാര്ച്ച് മാസത്തെ ശമ്പളത്തോടൊപ്പം.
– പങ്കാളിത്ത പെന്ഷന് പദ്ധതിയ്ക്ക് പകരം അഷ്വേര്ഡ് പെന്ഷന് പദ്ധതി ഏപ്രില് 1 മുതല്
– അഷ്വേര്ഡ് പെന്ഷനില് അടിസ്ഥാന ശമ്പളത്തിന്റെ 50 ശതമാനം തുക പരമാവധി പെന്ഷന് ഉറപ്പാക്കും.
– അഷ്വേര്ഡ് പെന്ഷനില് ഡി.ആര് അനുവദിക്കും.
– നിലവിലെ NPS-ല് നിന്നും അഷ്വേര്ഡ് പെന്ഷനിലേക്ക് മാറാന് ഓപ്ഷന് ഉണ്ടാകും.
മറ്റ് പദ്ധതികൾ
– മുന് മുഖ്യമന്ത്രി വി.എസ് അച്യുതാനന്ദന്റെ സ്മരണ നിലനിര്ത്താന് തിരുവനന്തപുരത്ത് വി.എസ് സെന്റര് സ്ഥാപിക്കുന്നതിന് 20 കോടി.
– കട്ടപ്പന – തേനി തുരങ്കപാതയുടെ സാധ്യതാ പഠനത്തിന് 10 കോടി
– ഇസ്ലാമിക പണ്ഡിതനും സാമൂഹിക പരിഷ്കര്ത്താവുമായിരുന്ന ശൈഖ് സൈനുദീന് മഖദൂം രണ്ടാമന്റെ പേരില് പൊന്നാനിയില് ചരിത്ര ഗവേഷണ സെന്റര് സ്ഥാപിക്കാന് 3കോടി രൂപ.
– അയ്യങ്കാളി പഠന കേന്ദ്രത്തിന് 1.5 കോടി
– കാവാരികുളം കണ്ടന് കുമാരന് പഠന കേന്ദ്രത്തിന് 1.5 കോടി
– മാര് ഇവാനിയോസ് മ്യൂസിയത്തിന് 1.5 കോടി
– തോപ്പില് ഭാസി, പി ജെ ആന്റണി, കെ ടി മുഹമ്മദ് എന്നിവരെ ആദരിക്കാന് സ്ഥിരം നാടക തിയറ്ററുകള്
– തിരുവനന്തപുരം-അങ്കമാലി എം.സി റോഡ് വികസനത്തിന് 5217 കോടി രൂപയുടെ കിഫ്ബി പദ്ധതി.
– പത്തനംതിട്ട- കോട്ടയം ജില്ലകളിലെ തീര്ഥാടന റോഡ് വികസനത്തിന് 15 കോടി
– ടൂറിസം മേഖലയ്ക്ക് 413 കോടി
– കൊച്ചി മെട്രോ രണ്ടാം ഘട്ടത്തിന് നീക്കിവെച്ചത് 79.03 കോടി രൂപ
– ശബരിമല മാസ്റ്റര് പ്ലാനിന് 30 കോടി രൂപ, ക്ലീന് പമ്പയ്ക്കും 30 കോടി രൂപ
